影片
更多
2022-09-14
36 浏览
話說中秋節嗰日過咗嚟呢邊打邊爐，朋友唔識路嘅關係走咗去雲咸街最頂嘅位置，然後我去接佢，咁就無意中發現到呢間Cafe😎Cafe位置其實都幾隱蔽，大家嚟嘅要留意吓周圍，7仔隔離嘅樓梯望落去就會見到 大大個 Revtime嘅招牌今日去到嘅時候老細都仲在場，大家吹左幾句水。原來上環分店都會間唔中搞展覽，中環呢一間呢除咗Cafe之外其實仲有酒飲嘅，夜晚會變成居酒屋😎中環呢間分店嘅打卡位就係幅人手畫嘅牆，食物方面中環店主打做和風食物。 👉🏻定食 - 日本平鐵牛肩CAB 安格斯 $268定食包咗牛扒，烏冬，關東煮同埋前菜。前菜係餐廳自己醃製，都幾開胃。關東煮有腐皮蘿蔔同埋芋絲，全部都好入味。主角嘅牛扒煎香左表面，入邊腍身之餘夠肉味。佢哋提供咗撈烏冬，咁嘅天氣真係一個好好嘅選擇。👉🏻輕食 - 燒玉子玉子上面鋪咗雪菜，估唔到鹹香嘅雪菜同香甜嘅玉子都幾夾。玉子表面煎得香脆，入邊非常鬆軟，仲加咗蔥花。輕食類仲有一個煙三文魚bagel，我book mark咗下一次要嚟試嘅！👉🏻飲品方面就叫做一杯老人與海，係一杯越飲越濃嘅咖啡。店員話原來佢哋係用Espresso做冰，所以咖啡越飲越香濃。欣賞小店嘅理念，呢個年代
Cafe位置其實都幾隱蔽，大家嚟嘅要留意吓周圍，7仔隔離嘅樓梯望落去就會見到 大大個 Revtime嘅招牌
今日去到嘅時候老細都仲在場，大家吹左幾句水。原來上環分店都會間唔中搞展覽，中環呢一間呢除咗Cafe之外其實仲有酒飲嘅，夜晚會變成居酒屋😎中環呢間分店嘅打卡位就係幅人手畫嘅牆，食物方面中環店主打做和風食物。
👉🏻定食 - 日本平鐵牛肩CAB 安格斯 $268
定食包咗牛扒，烏冬，關東煮同埋前菜。
前菜係餐廳自己醃製，都幾開胃。關東煮有腐皮蘿蔔同埋芋絲，全部都好入味。主角嘅牛扒煎香左表面，入邊腍身之餘夠肉味。佢哋提供咗撈烏冬，咁嘅天氣真係一個好好嘅選擇。
👉🏻輕食 - 燒玉子
玉子上面鋪咗雪菜，估唔到鹹香嘅雪菜同香甜嘅玉子都幾夾。玉子表面煎得香脆，入邊非常鬆軟，仲加咗蔥花。
輕食類仲有一個煙三文魚bagel，我book mark咗下一次要嚟試嘅！
👉🏻飲品方面就叫做一杯老人與海，係一杯越飲越濃嘅咖啡。店員話原來佢哋係用Espresso做冰，所以咖啡越飲越香濃。
欣賞小店嘅理念，呢個年代人同人之間嘅溝通係好緊要。
张贴
