瑞士咖啡室 (已結業)

今晚去到樂富嘅瑞士咖啡室， 咖啡室設計懷舊，好似時間倒流咁。我哋兩個人叫咗兩個孖寶小炒王。 幾個小菜兩個人食， 鐵板蜜椒薯仔牛柳粒，栗子滑雞煲，老乾媽炒四季豆豬頸肉，同埋芝士焗西蘭花蝦球。每一道菜都好香口，特別係個薯仔牛柳粒。炒四季豆豬頸肉甚至有住家餸嘅感覺，送飯一流。西蘭花不嬲都係我最鍾意嘅菜，加上芝士，感覺好特別。而栗子滑雞煲就特別有香港嘅特色。我叫咗個紫薯藜麥特飲，因為有藜麥，感覺健康。我個妹叫咗個草莓紅茶特飲，甜甜的。餐前人有個中湯，好足料。每人仲有一件蟲草花上湯浸時才，簡直大件夾抵食。