時代冰室 (公主大廈) (已結業)

路过炮台山，今日净系想食茶记冰室，当然一定要要去时代冰室啦。我哋四个人一人嗌一个餐，我嗌左个炸鸡脾葱油捞刀削面，刀削面十分烟韧，而且鸡髀系肉汁嫩滑，鸡皮劲正，啲朋友都对我只鸡髀好有兴趣。另外杨州炒饭好有镬气，仲有叉烧好大嚿，好有咬口，仲加咗几蚊加XO酱令个炒饭更加惹野。而干炒牛河呢真系大件夹抵食，唔单止河粉炒到条条分明，而且仲唔会好油腻，牛肉亦都好香。最后系牛坑腩配咖喱，除咗饭之外佢仲有两块薄饼送埋俾我哋，先唔讲个咖喱， 个薄饼底十分之香脆，点落惹味嘅咖喱汁，真系好醒胃，而牛坑腩旧旧都半肥瘦，牛肉炆得好入味，吸收晒成个咖喱嘅精华，咖喱上面仲有薯条做点缀，真系咖喱捞饭一流。