為食妙妙同A先生今晚放工後去到銅鑼灣，喺時代附近行咗一陣之後，又到晚餐時間，呢一餐佢地去到隔一條街嘅Exotica Gelatea。餐廳除咗有多款唔同嘅漢堡之外，佢哋嘅gelato都有唔少選擇，今晚一於食晒兩樣先😋。
而今晚我地order咗：
🔆 和牛漢堡🍔（$77 Tasting Size）
呢度嘅漢堡🍔有個好處係可以俾你揀唔同嘅size，今晚為食妙妙同A先生都唔太肚餓，所以都揀咗細個少少嘅tasting size去食。雖然話係tasting size，其實都唔算細個，適合女士或者胃口比較細嘅人。
和牛漢堡🍔入面有一片和牛嘅漢堡肉，煎得香口富油脂香，再配上芝士🧀️、生菜🥬同蕃茄片🍅，再用上香口鬆軟嘅芝麻包夾住，十分豐富。
跟餐仲有炸薯條🍟，店方用嘅係幼身嘅薯條，炸得香脆好食，份量都唔少呀👍🏻。
🔆 素漢堡🍔（$69 Tasting Size）
素漢堡同樣用上芝麻包夾住芝士、炒過嘅洋蔥、素漢堡肉、蕃茄同生菜，同樣都跟幼薯條🍟。素漢堡肉其實無論口感同味道都好似真肉，如果唔話你知都未必會留意到喺素肉。咁嘅安排適合想食素，但又想食漢堡嘅素食者或者想食清淡啲嘅人士。
🔆 玫瑰🌹奶昔（$99）
奶昔嘅賣相好靚，一整杯粉紅色嘅奶昔，再配一球紫色嘅gelato，入口奶味香濃而玫瑰🌹香味都好自然，質感濃稠，酸酸甜甜咁好開胃。
🔆 Apple Crepes Set配貓山皇gelato（$175）
Crepe嘅餅皮微脆，入面夾住香甜嘅肉桂蘋果🍎，單食都唔錯。上面再加一球香濃甜美嘅貓山皇榴槤gelato，用上真材實料嘅貓山皇榴槤製作，味道夠晒自然濃郁。
🔆🔆🔆🔆🔆🔆🔆🔆🔆🔆🔆🔆🔆
❤🙆♂️(A先生)整體食評：8.5/🔟
❤🙆♀️(為食妙妙)整體食評：8.5/🔟
👉🏻 小店座位唔多，但都坐得舒服濶落
A先生車友指數 🚗
🛣️ 交通容易指數：🚗🚗🚗🚗🚗(5/5)
🅿️ 泊車容易指數：🚗🚗🚗🚗(4/5)
👉🏻 泊車建議考慮時代廣場🅿️，有大量車位，而泊車優惠又唔難拎
👉🏻 港鐵🚇經時代廣場行過隔離街就係耀華街，另外巴士🚌、小巴都可以輕易到達
