影片
更多
2015-11-29
592 浏览
阿妹生日，點可以唔食蛋糕！響旺角食完烤肉，搵下邊度有蛋糕食，見到呢間Doux似乎唔錯，於是一行五個人殺過去。Doux位於彌敦道一幢新式商廈既18樓，旺中帶靜，大大個玻璃窗，雖然只係望樓景，但感覺好光猛開揚，真係食甜品都開心D。生日大吉大利，叫個「壽桃」俾阿妹先。呢個叫「血桃Ruby Peach」($78)，其實係流心香桃mousse cake，酸酸甜甜，帶住慕思既幼滑；一切開，紅色既流心餡立即湧出黎，味道有少少似果jam，夾住慕思黎食，正。伴碟既都有姿勢有實際，係煙煙靭靭既桃酒蒟蒻啫喱，同埋靚到揼一聲既玫瑰形蛋白糖霜餅，既甜且脆，唔錯。跟住係「焦糖香蕉Caramel Banana」($78)，店員知道阿妹生日，好細心咁加左塊朱古力牌同插上蠟蠋，襯晒色咁，好鬼靚。上枱時，職員為蠟蠋點火之後，竟然仲會點著埋塊綠色脆糖，嘩，脆糖隨住火焰而變得不規則，好有效果。咁究竟呢件藝術品又係乜黎？原來個「主體」係炸朱古力香蕉球，旁邊仲有焦糖脆脆雪糕。我向來都覺得香蕉同朱古力係絕配，呢個都唔例外，脆卜卜既朱古力外殼，入面係香蕉同朱古力蓉，新鮮香蕉中和左朱古力既甜膩感，點埋焦糖雪糕食，肥爆，但值得！再黎個「
Doux位於彌敦道一幢新式商廈既18樓，旺中帶靜，大大個玻璃窗，雖然只係望樓景，但感覺好光猛開揚，真係食甜品都開心D。
生日大吉大利，叫個「壽桃」俾阿妹先。呢個叫「血桃Ruby Peach」($78)，其實係流心香桃mousse cake，酸酸甜甜，帶住慕思既幼滑；一切開，紅色既流心餡立即湧出黎，味道有少少似果jam，夾住慕思黎食，正。伴碟既都有姿勢有實際，係煙煙靭靭既桃酒蒟蒻啫喱，同埋靚到揼一聲既玫瑰形蛋白糖霜餅，既甜且脆，唔錯。
跟住係「焦糖香蕉Caramel Banana」($78)，店員知道阿妹生日，好細心咁加左塊朱古力牌同插上蠟蠋，襯晒色咁，好鬼靚。上枱時，職員為蠟蠋點火之後，竟然仲會點著埋塊綠色脆糖，嘩，脆糖隨住火焰而變得不規則，好有效果。咁究竟呢件藝術品又係乜黎？原來個「主體」係炸朱古力香蕉球，旁邊仲有焦糖脆脆雪糕。我向來都覺得香蕉同朱古力係絕配，呢個都唔例外，脆卜卜既朱古力外殼，入面係香蕉同朱古力蓉，新鮮香蕉中和左朱古力既甜膩感，點埋焦糖雪糕食，肥爆，但值得！
再黎個「熔岩厚燒Pancake」($45)，有幾個味道選擇：焦糖、檸檬、朱古力、綠茶。家姐揀左檸檬味，我覺得好英明，因為呢種酸味好清新醒胃；個Pancake好厚身，大約有兩吋厚，質感有D似濕潤既蛋糕，好軟熟；切開之後，流出微酸既檸檬醬，正！呢個係我既必食推介。
最後再黎個焦糖脆脆窩夫，賣相又係一流，窩夫上面係草莓、脆糖，仲有花形忌廉同小菜苗，駛唔駛咁靚先？個窩夫好有蛋香，一上枱已經聞到香噴噴，而且烤得外脆內軟，又係水準之作。食左咁多靚野，阿妹都好滿意，今次真係happy birthday啦！
张贴
