綿綿冰甜品屋 (已結業)

自從覺得它的雪花冰唔好食後, 已經有很久的時間沒有幫趁過綿綿冰了. 上星期五晚想食甜品, 決定再幫趁它一次, 不是吃冰, 而是食其他的東西, 點了木槺布丁, 墨西哥胡椒味的鹽酥雞, 和桂圓紅棗茶一杯. 結果証明了這兒的水平不單沒有進步, 而且一天比一天差, 唉!木槺布丁質感硬到似雪糕, 完全不是布丁應有的軟滑口感, 唔知仲以為自己食緊雪糕添! 唔單只硬, 而且唔夠味, 一個字形容, 就是差! 鹽酥雞之前食過幾次, 都算可以, 但今次的比之前又差了很多. 炸到過晒籠, 非常唔掂, 而且看似大大件, 但原來大部份是粉, 雞肉唔多, 好搵笨! 桂圓紅棗茶紅棗就多, 但桂圓就唔多見有, 而且亦唔多覺有桂圓的味道, 似紅棗茶多些.總之全部都唔覺得好食, 咁耐無來都是一樣無改善, 難怪幫趁的人好似都越來越少, 極有機會以後都唔再來了.