丸和食堂 (已結業)

今日山長水又遠感入左上水探朋友，想食日本野，但又唔想食連鎖餐廳友人就話開左間新既日本野，感就要試試喇！首先叫左個和風三色冷盤，個食法好得意😎 係可以自己配唔同既涼菜包入紫菜飯團裡面，我最鐘意芥末八爪魚🐙 另外個海螺同黑木耳都醃得好好食不錯不錯之後叫左三款壽司試吓，首先整個基本嘅灸燒芝士玉子壽司 ，甜甜嘅玉子配上芝士，一個字正！跟住再嚟個醬燒三文魚壽司，個醬整得幾好味最後仲有個灸燒芝士大蝦反卷，大蝦炸得夠鬆脆之後仲叫左三重滋味雞翼，有我最鐘意既鑲芝士蘑菇，超好味另外兩隻都好香口惹味！最後喇叫左個豬頸肉湯拉麵，個湯味道好濃郁，豬頸肉燒得啱啱好夠juicy今餐食得好滿足估唔到上水都有感高質既日本野經過一定要試下