聯威茶餐廳

作為一個廚師，我只可以喺平日三四點出外覓食…今次近近哋行咗去公司對面嘅茶餐廳，呢間嘢我都經過咗好多次，但由於佢日要行入去大廈入面再穿過去，所以我成日都冇入到去食…地方簡潔明亮，客人唔算多可以坐到卡位，不過就係啲舊式卡位，張凳都幾硬下嗌咗個西多士，對家嗌咗咖哩牛腩飯，西多士正正常常，非常之正常嘅發揮，唔似依家啲茶記，又芝士又朱古力碎，九唔搭八…咖哩牛腩飯整得有啲hea…甜椒洋蔥都唔拉下油，生嘅咁揼落個咖哩汁度…至於舊牛腩，無炆過，就係蒸熟咗，好難咬…咖哩汁就幾好食，不過咁求其嘅話好難有下次茶走同凍檸茶算係幾好飲