自從信佛茹素後，我一直以來覓食店舖都未見有燒烤店，串燒陣係一間提供無肉餐單及五辛素店舖。五辛素係佛教徒唔食嘅氣味大植物：蔥、韮菜、蒜頭、蕎頭及洋蔥。一般而言，佛教徒係會食薑、辣椒同九層塔。今次我刻意推介五辛素予素友及佛教徒，點咗燒秋葵、燒菠蘿、燒四季豆、燒翠玉瓜、玉子燒、炸黑松露薯條同埋椰子水。
無諗過店舖提供原型食物，好少添加醬汁烤食物。上述烤蔬菜都以店主獨家調製椒鹽做調味，而烤菠蘿卻食出食物鮮味、酸酸甜甜係幾開胃。食一口玉子燒，卻食出甜而濃郁蛋漿，加埋一個新鮮椰子水，送走夏季殘餘悶熱，使人換來陣陣涼意。
如果大家係油尖旺返開工，不妨去下串燒陣搵下食。
7
