影片
更多
2012-11-25
217 浏览
本身係尖沙咀人, 一直熱捧 Caffe Habitu, 通常較多幫襯 Miramar 既 The Table,不過因為兩邊既 Menu 唔同, 所以都會過下場～光顧過呢度兩次, 兩次我同朋友大致上都係食一樣既野:- 08-09-12 @All Day Breakfast / @Fluffy Pancake Set / @Iced Mocha / @Oolong Tea Latte- 25-11-12 @All Day Breakfast / @Fluffy Pancake Set / @Iced Mocha / @Oolong Tea Latte /@Spaghetti Carbonara / @Cappuccino BruleeALL DAY BREAKFAST兩次都係咁上下, 有水準的, 樣樣都不錯,最欣賞反面係個幾隻蕃茄仔, 以為佢生的, 原來係整熱左, 原好一粒粒, 但係個心熱辣辣 FLUFFY PANCAKE - 重點係呢講呢個第一次去食, 真係讚嘆不已!!!!! 因為堅係 Fluffy, 好鬆好軟好正的,好似食輕軟蛋白蛋糕咁既感覺~~~ 即使食晒 pat Cream (罪
不過因為兩邊既 Menu 唔同, 所以都會過下場～
光顧過呢度兩次, 兩次我同朋友大致上都係食一樣既野:
- 08-09-12
@All Day Breakfast / @Fluffy Pancake Set / @Iced Mocha / @Oolong Tea Latte
- 25-11-12
@All Day Breakfast / @Fluffy Pancake Set / @Iced Mocha / @Oolong Tea Latte /
@Spaghetti Carbonara / @Cappuccino Brulee
ALL DAY BREAKFAST兩次都係咁上下, 有水準的, 樣樣都不錯,
最欣賞反面係個幾隻蕃茄仔, 以為佢生的, 原來係整熱左, 原好一粒粒, 但係個心熱辣辣
FLUFFY PANCAKE - 重點係呢講呢個
第一次去食, 真係讚嘆不已!!!!! 因為堅係 Fluffy, 好鬆好軟好正的,
好似食輕軟蛋白蛋糕咁既感覺~~~ 即使食晒 pat Cream (罪過罪過) 都在所不計!
亦係我第二次黎食既原因!
對上一次食完, 一直都掛住, 所以今日出開尖沙咀就去碰下運氣, 睇下多唔多人。丫, 又唔多人喎, 一去到就有位。滿心歡喜咁食啦~~~ 點知...
或者大家睇相未必睇得出個分別, 但其實一上檯, 我已經覺得唔同,入埋口, 就更加令人失望。唔係我一個, 同我同行既朋友食左半塊都有一樣既感覺。
散嗌 $58 / Tea Set 賣 $6x 一客, 上次我食到質素, 今次我食到老麥。
你明我意思嘛? 同老麥早餐熱香餅幾乎冇分別。唔鬆唔軟。
我覺得我多俾左個幾十蚊係買左「下午茶都有得食」同埋 pat Cream, 仲有果醬。
或者大家覺得, 幾十蚊貨係, 唔好要求咁多; 但係食野又點可以冇要求?
我都只係要求有番應有既水準... 之前既水準... 我滿心期待既水準嘖!
可能係我之前好彩, 食左一次超水準掛! 但經過今次, 我諗我未必會返黎呢度了。
熱香餅, 咁既價錢, 咁既質素, 老麥都食到幾餐 lu...
SPAGHETTI CARBONARA
賣相/ 味道皆一般。較乾身, 冇乜汁, 變相食落唔夠滑。
始終唔係專做意粉既, 可以理解既。
SIGNATURE COFFEE
咖啡冇影低, 不過水準都不錯。
但我發現 HABITU 分店好似都有個通病 - 唔夠杯定唔夠人呢?
因為成日都唔夠杯! 之前響 ELEMENTS / 今次響 THE ONE, 都係唔夠杯。
堂食熱飲都局住要用紙杯。賣相係其次, 紙杯好快凍, 而且, 好唔環保。
管理層應該要諗下。
如果係人流多使用率高, 咪入多 D 貨擺多幾廿隻杯囉!
人地茶檔賣杯奶茶都得注意熱左隻杯先,
你地賣四十幾蚊杯咖啡，因為唔夠杯而影響左成杯作品, 值得嗎?
张贴
