影片
更多
2021-06-13
90 浏览
今次為大家介紹嘅係新鮮滾熱辣，上年年尾先開張嘅「婆婆珈琲屋」@grandmamacafe，愛打卡嘅日系少女必到啊😍！店主👵🏻其實本來係Model、KOL，原本亦有開設名為「婆婆雜貨店」，岀售唔同國家嘅工藝品，包括清酒杯🍶、碗碟等，連服裝都有賣添！所以其實喺婆婆珈琲屋開業時，都吸引到唔少KOL、Foodie去朝聖。.事前👩🏻就上過餐廳官網嘗試book枱，但好多時段都Full咗，唯有諗住當日碰碰運氣啦🙏🏻，點知又真係咁啱仲有位俾我哋walk-in，如果大家上網Book唔到，都可以試吓walk-in嘅。.(註: 婆婆珈琲屋嘅入口比較難搵，其實就係雪糕店gelato-go隔離就有部𨋢上去餐廳。).一坐低之後，店員就奉上Menu，簡略介紹菜單，提示我哋要到櫃檯落單，然後就俾咗一杯蝶豆花水同青瓜水🥒我哋飲。蝶豆花水係無味嘅😂，青瓜水就幾清新，夏天飲都幾舒服，重點係，連裝免費嘅飲料都好靚，睇嚟大家嘅手機📱/相機📷真係可以食餐飽啦！.當日我哋係食午餐，即係朝食，可以揀三品($88)、四品($108)或者五品料理($128)，有五款冷菜同八款熱菜可以揀，我哋👫就分別揀咗四品同五品料理，全部菜都唔同，咁就
.
事前👩🏻就上過餐廳官網嘗試book枱，但好多時段都Full咗，唯有諗住當日碰碰運氣啦🙏🏻，點知又真係咁啱仲有位俾我哋walk-in，如果大家上網Book唔到，都可以試吓walk-in嘅。
.
(註: 婆婆珈琲屋嘅入口比較難搵，其實就係雪糕店gelato-go隔離就有部𨋢上去餐廳。)
.
一坐低之後，店員就奉上Menu，簡略介紹菜單，提示我哋要到櫃檯落單，然後就俾咗一杯蝶豆花水同青瓜水🥒我哋飲。蝶豆花水係無味嘅😂，青瓜水就幾清新，夏天飲都幾舒服，重點係，連裝免費嘅飲料都好靚，睇嚟大家嘅手機📱/相機📷真係可以食餐飽啦！
.
當日我哋係食午餐，即係朝食，可以揀三品($88)、四品($108)或者五品料理($128)，有五款冷菜同八款熱菜可以揀，我哋👫就分別揀咗四品同五品料理，全部菜都唔同，咁就可以咩都試吓啦！😙
.
冷菜❣️
胡麻菠菜
菠菜🥬排得整整齊齊，上面舖滿木魚花同胡麻醬，依個配搭一定唔會岀錯。
.
清酒溏心蛋
溏心蛋🥚晶瑩剔透，Size比較細，似係日本蛋，有少許酒味🍶，唔錯。
.
山賊汁雞卷
雞卷切得薄身，有三件。山賊汁其實來自日本，用黑椒、蒜蓉、鹽混合而成嘅醬汁。雞卷無咩特別，味道主要依賴個醬汁，但醬汁除咗黑椒味，就無其他味了，所以整體味道都無層次感。
.
馬鈴薯沙律
👨🏽本來一直話馬鈴薯🥔沙律好頹，其實👩🏻也默默承認...叫馬鈴薯沙律嘅原因係為咗塞飽我哋兩個嘅胃🤣。但味道上都ok，入面仲有啲青瓜，食落有口感，都幾清新，份量都幾足夠。
.
除咗以上冷菜，隨餐點仲會有個柚子醬醃蘿蔔，幾清新啱晒夏天食。
.
熱菜❣️
金平牛肉
入面有蓮藕片同肥牛，幾好送飯，味道不過不失。
.
婆婆咖哩
嚟之前好似見過有Foodie話婆婆咖喱係必食，讚到好似天上有，地下無咁，👩🏻只覺得係正常咖哩磚嘅味，入面有雞肉、薯仔🥔，另外可能加咗蘋果🍎煮，所以比較甜。話說食咖哩嘅時候發現無匙羹，所以食得較捩棄(呢hea)。
.
辛口明太子手羽
本來覺得應該唔會太特別，甚至可能係現成嘅明太子雞翼，但廚師煎得幾香脆，無油膩感，唔錯。
.
紫薯薯餅
份量有兩塊，新鮮炸好，熱辣辣，幾好食，但同樣都無乜特別驚喜。
.
照燒雞扒
都係正常味道，唔會太鹹。
.
除咗以上嘅冷、熱盤，客人仲可以揀飯團🍙或者烏冬🍲，我哋就分別揀咗明太子富士山飯團同海苔洋蔥櫻花蝦飯團。要打卡嘅一定要揀明太子飯團，藍色部分會深色啲，影岀嚟明顯啲，但明太子味道就太淡，只有少許鹹味。而櫻花蝦飯團就好味啲，食落啖啖都有櫻花蝦。
.
最後我哋仲有叫兩杯嘢飲，分別係婆婆杯茶(右)同檸檬紅茶(左)。檸檬紅茶🍋並唔係普通一杯凍檸茶，真係有茶香，唔會死甜，去到邊都要叫杯檸茶嘅👨🏽都話好飲。而👩🏻就試吓婆婆杯茶啦🍹🤪，有蘋果🍎同紅莓揀，👩🏻就揀咗蘋果，入口酸酸甜甜，幾開胃，但飲到底覺得有啲酸得滯，有少少似蘋果醋。
.
總體嚟講，食物質素就平平無奇啦，份量亦偏細，一般女仔食都可能勉強夠食嘅，但對👨🏽嚟講就好似無食咗陣風咁，當早餐食都okay，午餐嘅話就完全唔夠食，難怪當日見到現場都只得👨🏽同另一個男客人。睇返晚餐嘅夕食menu，份量似乎會大啲，會有一碗飯加配菜。雖然👩🏻都無食飽，但婆婆珈琲屋打卡確係一流，每件餐具都好靚，見到咁靚嘅餐具都滿足啲啦！特別係裝馬鈴薯沙律個杯仔，如果放喺屋企裝雪糕食實好靚😍。大家想買餐具嘅話，仲可以係近門口位睇到婆婆雜貨店嘅產品，件件都好靚㗎！
张贴
