影片
更多
2008-10-18
38 浏览
前晚與日籍同事放工揾食，叫佢話事揀去邊道，佢話試過上次同公司其他日本同事去過亞士厘道間八王子，驚喜內裏佈置陳设好有日本特色，食物味道都算地道正宗，價錢又都合理，所以當晚就叫佢帶我試一試！門口位日本女士一見到我同事就認得，佢招呼我哋落地庫就坐，我發覺上層坐位都仲有好多，於是便問阿日本女士點解放我哋落下層，佢話多數都將日本人客安排在同一層，等大家同聲同氣感覺親切D。果然，下層已坐了四、五數枱日本客。一坐下我同事就order一支大Asahi，佢哋習慣在居酒屋先飲酒水，所以那位日本女士都無比茶我哋，我就唯有以酒代茶了。佢哋都算識做，啤酒來時一同送上一碟免費小食 – 汁烹雞翼尖。日本同事說這是日本傅統居酒屋會做的，他們覺得人客大多數是來喝酒的，所以希望送呢D小碟給客人送酒，等D人客開心D而叫多一支半支。接着我同事就叫多幾款送酒嘢：1) 牡丹蝦刺身 x 2 - $502) 酒盜拌芝士 - $483) 山芋吞拿魚 - $654) 薯仔煮牛肉 - $485) 味噌煮豬腸 - $486) 大Asahi - $100因為侍應強烈推介，所以就點咗兩隻牡丹蝦，記得上次喺銅鑼灣叫要成$45隻，今次$25吃到都真
門口位日本女士一見到我同事就認得，佢招呼我哋落地庫就坐，我發覺上層坐位都仲有好多，於是便問阿日本女士點解放我哋落下層，佢話多數都將日本人客安排在同一層，等大家同聲同氣感覺親切D。果然，下層已坐了四、五數枱日本客。
一坐下我同事就order一支大Asahi，佢哋習慣在居酒屋先飲酒水，所以那位日本女士都無比茶我哋，我就唯有以酒代茶了。佢哋都算識做，啤酒來時一同送上一碟免費小食 – 汁烹雞翼尖。日本同事說這是日本傅統居酒屋會做的，他們覺得人客大多數是來喝酒的，所以希望送呢D小碟給客人送酒，等D人客開心D而叫多一支半支。
接着我同事就叫多幾款送酒嘢：
1) 牡丹蝦刺身 x 2 - $50
2) 酒盜拌芝士 - $48
3) 山芋吞拿魚 - $65
4) 薯仔煮牛肉 - $48
5) 味噌煮豬腸 - $48
6) 大Asahi - $100
因為侍應強烈推介，所以就點咗兩隻牡丹蝦，記得上次喺銅鑼灣叫要成$45隻，今次$25吃到都真係好抵！蝦嘅肉質都好有彈性而味道好鮮甜，佢哋仲幫我哋炸咗D蝦頭，又香又脆用嚟送酒簡直一流！酒盜是用鯛魚的魚腸造成，食落鹹香十足，拌以忌廉芝士同吃十分知味。酒盜的鹹勁配搭芝士的Creamy軟滑絕對是佐酒佳品！山芋吞拿魚，山芋今次吃的是用「To Ro Ro」形式的，山芋味道非常清新，加點醬油跟吞拿魚一同吃可口非常！薯仔煮牛肉是非常傅統的居酒屋煮物，今次在這裏吃的同事話好接近日本正宗口味，她說日本口味會偏甜，不過對於香港人的我黎講，減丁點甜度會好些。味噌煮豬腸 – 估唔到日本人都食豬腸，我覺得炆得好入味但味噌味都幾濃，用嚟送酒就OK，就咁食鹹咗D。但我個同事就話日本嗰D仲鹹，侍應話為咗就番香港客人口味，所以唔落咁多赤味噌而落多D甜嘅白味噌。
不經不覺Asahi都飲咗兩大支，估唔到兩個女人都可以飲到咁多，下次我哋再約多D同事嚟氣氛一定更好玩！
张贴
