洋食商店 (利奧坊)

营业中

休息中

喺大角咀嘅洋食商店試咗佢哋嘅壽喜燒二人前，體驗好正！餐廳裝修有昭和風，木枱同懷舊海報好有格調。壽喜燒用 M9 和牛西冷同美國牛頸脊，西冷入口即溶，油脂香濃；牛頸脊有咬口，兩款都好正！店員幫手燒牛肉同煮野菜，仲將壽喜燒汁同蛋汁撈飯煮成黑松露燉飯，松露香濃郁，飯粒軟糯好味！手打和牛漢堡扒厚身多汁，配流心蛋同特製醬汁，食落好滿足。北海道海膽配紫菜好新鮮，海膽 creamy 無腥味，紫菜脆口，完美組合。甲羅燒多士蟹膏濃郁，配脆多士邪惡又過癮。芒果刨冰綿密清甜，芒果粒新鮮，食完好 refresh。