Gram Cafe & Pancakes (已結業)

其實一開頭我係比店裡面嗰個超巨型班戟公仔吸引左入去，真係勁大個，成個人咁高啊！少女心即刻湧現係咁影相📸其實成個環境都好適合影相，尤其係嗰張橢圓形大木檯，中間仲有一棵假樹，haha好過癮。menu有咸食用甜食，本身我地想點梳乎厘班戟，不過因為我地黎既時間早左但係我地又唔想等，所以我同朋友就臨時轉鈦揀左蜜桃朱古力班戟share食。雖然話係春季限定，但係d白色糖霜撒係朱古力班戟的表面，唔知點解我覺得幾有聖誕氣氛，好似d雪鋪係薑餅屋上面咁😆 個杯裡面應該係朱古力忌廉，唔會好甜都幾好，夾埋個朱古力班戟一齊個味道就啱啱好。蜜桃同草莓好新鮮好juicy，咬落去啲汁即刻流晒出嚟。