拿督星馬大飯店 (已結業)

今日放飯黎到觀塘碼頭既拿督，己經係回頭第二次黎食﹗上次人地介紹，今次到我介紹比人地﹗都算係附近平靚正既餐廳!上1次食完喇沙念念不忘，今次再食，味道依然有水準，而且係街市既環境嚟講算唔錯，有冷氣，坐位夠多，叫多幾個朋友黎都得。食喇沙就當然最緊要係個湯底，除左好香椰香味，一上枱就聞到好香既喇沙，湯底濃郁，口感好豐富﹗另外配料足，叫親鮮蝦喇沙，除左有蝦仲有其他配料，好似魚片、豆角個D，一碗喇沙滿足晒幾個願望，勁正﹗最後個人推介星馬拉茶﹗﹗超好飲，係一種偏甜少少既奶茶，但飲落一啲都唔漏，仲好滑，而且平時好少機會飲到，黎到一定要一試﹗＿