安娣瑪萊

安娣瑪萊係一間東南亞菜餐廳，主打「精緻而風味正宗的馬來西亞菜及精選東南亞美食」，屬於 DRC Group旗下嘅餐廳，集團旗下仲有正宗泰國餐廳 Nara Thai Cuisine 、Lady Nara、元朗嘅車仔麵名店永年等知名餐廳。
………………………………………………
脆蝦片 ⭐️⭐️⭐️⭐️⭐️
入座的時候會有一碟放係枱面，埋單先知原來要$12，不過真係幾好味，香口得嚟又唔會油膩，價錢都算合理。

脆蝦片

$12

香脆芝麻豬頸肉 ⭐️⭐️⭐️⭐️⭐️⭐️
依個豬頸肉好好味，肥美甘香，有肉汁，係我鐘意食嘅個種豬頸肉，配埋泰式酸辣汁，真係好好食。

香脆芝麻豬頸肉

$78

香脆芝麻豬頸肉

$78

招牌火山排骨 ⭐️⭐️⭐️
排骨份量都幾多，配菜主要有紅蘿蔔、白蘿蔔，上菜的時候會有火慶住，個泰式酸辣汁都幾好味開胃，不過排骨肉質類似煲湯肉，蘿蔔亦都唔入味。所以整體就麻麻。

招牌火山排骨

$188

馬來黃咖喱牛肋肉（+$40） ⭐️⭐️⭐️⭐️
椰汁味香濃，牛肋肉都幾林，整體就正常。

馬來黃咖喱牛肋肉

$138

印度薄餅（2件）⭐️⭐️⭐️
賣相幾靚，但係食落口感有啲痴牙，唔鬆脆。

印度薄餅（2件）

$32

泰式肉碎煎蛋飯 （少辣）⭐️⭐️⭐️⭐️
因為有小朋友所以揀左少辣，豬肉碎大細適中，肥瘦比例適中，撈飯都幾惹味，煎蛋都有燶邊效果，不過就略為太熟。

泰式肉碎煎蛋飯 （少辣）

$88

香脆蝦餅（3件）⭐️⭐️⭐️⭐️⭐️
外層炸粉酥脆，蝦餅爽滑彈牙有鮮味，好食。

香脆蝦餅（3件）

$58

上湯蝦米肉未浸娃姓菜 ⭐️⭐️⭐️
娃娃菜軟硬程度適中，但味道普通。

上湯蝦米肉未浸娃姓菜

$58

班蘭咖椰多士⭐️⭐️⭐️⭐️⭐️⭐️
食得出係新鮮製造，個多士鬆脆，咖椰醬有好香嘅斑蘭味，裡面仲有適量嘅牛油，賣相都好靚，同一般嘅咖椰多士好唔同，我覺得係餐廳最好味嘅菜式！

班蘭咖椰多士

$48

茶位 ⭐️⭐️⭐️⭐️⭐️
茶位要比$8一位，不過餐廳提供的茶係荔枝紅茶，我哋一致同意個茶幾好飲。
………………………………………………

安娣瑪萊果然都係馬來西亞的菜式比較出色，係海港城嚟講價錢都算合理，而且質素有保證。Join DRC Group 會員仲有得儲積分同優惠卷，我就用優惠卷免費換多左一份班蘭咖椰多士返屋企食啦。