Noodle LAH! (已結業)

舊同事們相約一起午饍，揀咗去遠東金融中心試下星馬菜。麻煩晒舊同事可以早丁點去到排隊，好彩唔使排好耐，人齊才可入座。格調比一般連鎖快餐好些，有裝修，環境都算舒適, 空間都算足夠。眼見都幾多人食喇沙，LUNCH TIME只得一個MENU ～ 午餐套餐MENU，個MENU好簡單：（A）主菜加飲品$75，（B）小食＋主菜＋飲品$98。點咗食乜後傾無一陣計D野食就好快陸續送上嚟 ～～～我揀咗沙嗲雞串～D雞肉唔係熱辣辣上檯，應該係一早整好隨叫隨出，變得室温.... D雞肉完全食唔出香茅味；好彩有沙嗲醬拌食，反而係個沙嗲醬幾香。主食係牛肉湯河 ～ 不過不失，不過份量不多。另外要咗杯香茅荔枝（凍）～有些少荔枝肉，成支香茅插住响杯內，不過糖漿蓋過咗香茅同荔枝味。