星記海鮮飯店 (The Phoenix) (已結業)

舊同事另謀高就，我們一行十多人為同事慶祝。星記一向是我們的飯堂，圍枱坐得舒服之餘，又方便傾計。杏汁白肺花膠湯是必叫的，足料又滋潤，那盆湯渣每次都很震撼。（如要點這道湯，請記得預約。）蝦籽柚皮是星記的招牌，聽說處理柚皮步驟繁複，特別是柚皮的苦澀味是很難去除， 就係呢陣苦澀味尤其受有練歷的同事歡心。椒鹽鮮魷極邪惡，炸粉漿薄薄的，鮮魷大塊又厚肉， 咬落非常有口感。炸豆腐有點失手，之前食都是外脆內滑，醬汁亦好惹味。可是今次有點普通，豆腐不夠滑，醬汁也不是很香。蔬菜方面，我們叫了薑汁炒芥蘭和梅菜配菜心，芥蘭炒得夠脆，薑汁辣得黎又唔會搶左芥蘭既鮮味， 菜心就不過不失色，感覺似係煮好一段時間。總結黎講，星記話哂都是米芝蓮星級餐廳，保質有保證，值得推薦。p.s. 最後送左紅豆沙糖水作結，友人表示相當滿意，少少甜頭，十分歡樂