影片
更多
2017-03-14
236 浏览
有啲餐廳個名就好似好複雜，好長，有啲餐廳就可能係單字，究竟乜嘢名先至令到人哋比較容易記得？我諗呢一個答案每個人有每個人嘅標準，但係呢一間餐廳個名嘅印象比我都幾深刻，星級嘅廚師，星廚。呢度嘅環境唔算係好特別，好優雅，但係勝在入去嘅感覺親切，簡簡單單嘅設計給人一種簡單舒服嘅感覺。餐牌大部份嘅食物都係單點，如果單點想轉為套餐嘅只需要加＄15就會有個餐湯，嘢飲同埋有個主食都幾抵。今日就叫咗個慢煮牛肋骨，呢排興慢煮，我諗好多人都唔知慢煮嘢食比起平時嘅煮法有咩分別，喺呢一個牛肋骨之中我搵到個答案。牛肋骨一條有前手臂咁長，如果要煮嘅話我諗嘅時間都要非常之長，而且用慢煮嘅方法更加係慢工出細貨。但我哋食嘅時候等候嘅時間唔算太長。食落去牛肋骨非常之淋，除左有炆的醬汁味之外，陣陣的牛香不難發現，還吃出淡淡的酒香。拒比起一般嘅煮法嘅肉質較嫩，而且每一個部位都唔會有鞋嘅感覺，我深信呢啲就係慢煮嘅功力。蟹蓋雖然被譽為邪惡嘅食物，因為佢嗰啲膽固醇好高，但偏偏係我最愛嘅。呢到會預先取出蟹膏，攞咗出嚟然後再加火腿，芝士，洋蔥等嘅配料一齊落去焗，一啖就可以食晒咁多種唔同嘅滋味！呢個大蝦酥皮盒長通粉幾特別，酥皮盒嘅酥皮質感
呢度嘅環境唔算係好特別，好優雅，但係勝在入去嘅感覺親切，簡簡單單嘅設計給人一種簡單舒服嘅感覺。
餐牌大部份嘅食物都係單點，如果單點想轉為套餐嘅只需要加＄15就會有個餐湯，嘢飲同埋有個主食都幾抵。
今日就叫咗個慢煮牛肋骨，呢排興慢煮，我諗好多人都唔知慢煮嘢食比起平時嘅煮法有咩分別，喺呢一個牛肋骨之中我搵到個答案。牛肋骨一條有前手臂咁長，如果要煮嘅話我諗嘅時間都要非常之長，而且用慢煮嘅方法更加係慢工出細貨。但我哋食嘅時候等候嘅時間唔算太長。
食落去牛肋骨非常之淋，除左有炆的醬汁味之外，陣陣的牛香不難發現，還吃出淡淡的酒香。拒比起一般嘅煮法嘅肉質較嫩，而且每一個部位都唔會有鞋嘅感覺，我深信呢啲就係慢煮嘅功力。
蟹蓋雖然被譽為邪惡嘅食物，因為佢嗰啲膽固醇好高，但偏偏係我最愛嘅。呢到會預先取出蟹膏，攞咗出嚟然後再加火腿，芝士，洋蔥等嘅配料一齊落去焗，一啖就可以食晒咁多種唔同嘅滋味！
呢個大蝦酥皮盒長通粉幾特別，酥皮盒嘅酥皮質感就比較軟，入邊就放咗幾隻大蝦，蝦肉嘅質感爽身。配埋長通粉係忌廉蕃茄味，煙煙韌韌。
我最鍾意呢到係有凍檸樂可以揀做餐飲，而且罐可樂係可以比你自己加落去，完全係足唒料。
出面成條街都行食肆，有幾間我都試過，都係一般。反而呢間嘢食嘅質素，可以比我有意外嘅收穫。
张贴
