新興食家 (已搬遷) 新店位置

老媽子來西環探我, 要味道就食新興, 要坐得舒服就到大酒樓, 比佢揀, 佢揀食新興.12 點鐘坐到爆, 等＋分鐘就剛有位, 即刻 order 蝦餃, 流沙包, 但即刻有得食既係鷄扎, 味道ok; 蝦餃比再新開張時大粒, 但皮厚左同粉左,蝦發大左, 好在調味都仲有水準; 熱辣辣流沙包來到,即刻清左, 好味好沙好多油, 哈哈; 我推介我平時必吃的豬潤燒賣, 媽子怕膽固醇, 放棄左; 侍應攞的蒸釀豆付叫賣, 好吸引, 清埋; 叫左個豉汁蒸鱔比媽子食, 調味ok, 但有泥氣味; 又叫賣潮州粉果, 佢最鐘意, 即叫, 可惜個皮太淋, 未挾起就穿左, 不過 d 餡就好味道, 芹菜香沙葛爽 !! 其實已經好飽, 要飲下茶, 消化下, 同埋媽子話 d 茶葉 都好飲過好多大酒樓,呢一點都好重要架..... 呢個時候南乳猪手在眼前飄過, 我地四目交投, 就叫阿姐放底一籠, 好香好夠味, 真係連個半壺茶都飲唔落啦.....................其實排骨反, 淨腸粉, 鳳爪.........都好味架........