寶蓮禪寺齋堂

营业中

休息中

好耐之前去過寶蓮寺食齋，都相隔十年未黎了，今次黎到更細味到齋菜的清甜。佢係一人買一張餐券，有分普通餐同豪華餐，一枱只能揀一款，即係全部人要同一款先得，因為佢坐的位置不同，豪華餐係坐冷氣有枱布大廳。今日我地叫左豪華餐，有個木耳荀絲羮、清炒荷蘭豆、炸春卷、花菇扒時蔬、西檸煎腐皮卷。佢好快就上菜，所有菜式都好新鮮，蔬菜好翠綠，望落好吸引。湯羮就有啲太稠，落得太多生粉芡，而料就太少，叫做有啲湯潤潤喉；炒荷蘭豆及扒時蔬都好清甜，食落好舒服；炸春卷普普通通，吃不完外帶了回家；最好味係西檸煎腐皮卷，佢就係模仿西檸雞的做法，個汁調得好好味，酸酸甜甜的，好開胃，煎腐皮好香黃豆味，唔會熱氣亦不會好油，好好餸飯。久不久上來吃一趟齋菜，清清腸胃又好，洗滌心靈又好，都係不錯的活動。