意樂餐廳 (禾輋廣場) (已結業)

今日是星期日，突然想試吓意樂餐廳嘅早餐，因為好想飲佢哋嘅凍檸檬英國茶少甜，點不知原來唔可以跟餐點，要獨立點，每杯$23，因此我嗰個餐飲叫咗熱奶茶，因為佢哋嘅熱奶茶不嬲都可以俾味旺角金華冰室。我叫了沙嗲牛肉蕃茄湯扁意粉，呢個好食！不過番茄湯有啲意大利雜香草，味道唔係咁本土，但係都可以接受！份量好大，加埋一份外脆內院嘅蒜蓉牛油多士，啲蒜蓉牛油有一些香草味，而且唔會太薄好好食！熱奶茶今次冇咁香，唔知係唔係我飲咗凍檸檬英國茶少甜先影響到味蕾。$45我幫阿爸叫咗炸魚柳配煙肉還有流心蛋，底部有少少薯蓉和生菜沙律，阿爸超鍾意食，我試咗少少炸魚柳，不會太硬也不會軟瀨瀨，個外漿唔會太厚，好好味好大塊，流心蛋嘅邊係煎燶的，但係中央是白雪雪，個蛋黃是流心的，阿爸話杯檸檬熱菜蜜都好好飲。$52Foodpanda送餐費$25。每位$57.5。