今日同阿媽去左教育路呢間「越海廚房」。
星期日午市套餐: 飯餐、炒矇，$28。湯河餐，$20。送冷、熱飲或果汁。
我叫左個「黃咖哩牛腩飯」、「藍莓汁」($28)。阿媽叫左「雜錦湯河」、「奇異果汁」($20)。
先黎「果汁」; 「奇異果汁」係「螢光綠色」既。「藍莓汁」係紫色。飲落就知係即沖個種(我杯藍莓仲要溝稀左唔知幾多倍
)。
「雜錦湯河」，包羅萬有。味道就麻麻喇，勝在夠飽肚。
「黃咖哩牛腩飯」，一黎見到得四小塊牛腩，即刻爆響:「嘩! 咁少牛腩？」呀媽話:「d牛肉貴嘛~!想俾幾多你呀~？」
呢個黃咖哩味道唔錯。不過，因為勁多飯，勁少牛腩同勁少汁，我已經連咖哩汁都俾我刮清，都食剩好多飯~!
不過講真，今時今日，咁既價錢，配合咁既質素，我諗差不多架喇。
