紅蜻蜓 (已結業)

星期日上晝同小朋友去遊戲室玩完 ，諗住再行下樂富商場。去到商場 發現原來裝修緊，本身已經對商場唔係好熟。仲要裝修緊周圍為曬板，帶住小朋友，完全唔知食乜好。 搭𨋢上三樓，行出嚟見到幾間餐廳，睇過門口餐牌後，呢一間種類算最多。就決定食呢間紅蜻蜓， 一入去已經有位坐，仲原來已經到咗下午茶時段，可以叫下午茶。 入到去座位唔迫，仲有電視睇，客流量都正常，但星期日下午茶時段唔使等位真係會諗係唔係伏 。 我哋叫咗三個餐， 分別係乾炒牛河福建炒飯 同埋 蜆肉雞絲火腿飯。 先講上菜速度，非常快，基本上叫完都唔駛五分鐘 就已經上菜，可能因為咁，客流快就唔駛等位。食物方面就麻麻，始終咁快上菜，肯定煮定，飯比較爛，河粉又冇乜味，一d都唔香。普通茶餐廳品質不能要求太高，睇下想要咩，如果唔想等位可以試，如果想食好味既可以試下其他