影片
更多
2007-05-14
2 浏览
星期六十二點食lunch, 去到板前發現太多人(已有十幾廿人o係度等緊), 於是行o左上世貿睇下有咩食, 就見到哩間好似都幾新o既Hip Sushi.(門口仲有o的新張開鋪o既恭賀花牌o係度)既然入便又冇咩人唔駛等位, 就試試佢啦!新鋪裝修當然唔錯, 店內面積唔大, 都算整潔企理. 打開menu 睇下, 當然係印刷精美, 價錢方面比板前壽司/峰壽司/元氣都略貴, 不過大路貨如三文魚/甜蛋等都係standard 最平o既$9 一碟, 最貴o既好似係$45 一碟.睇下迴轉帶上, 可能因為客少, 都冇幾多碟壽司o係度, 不過其實我都係慣o左寫紙, 所以都冇咩所謂. 從迴轉帶上已見到壽司size 係好細件, 原本我想食帆立貝, 但見到係咁的式, 就放棄o左(我比較喜歡板前勁大件o既珍寶帆立貝).等o左幾分鐘, order o既食物終於來到. 三文魚, 唔係好得, 甜蛋反而覺得幾好. 其他如海膽都算中規中舉, 但整體我都係覺得板前好o的, 而且平o的, 不過就慘在係要等位等到死... 咦, 望一望切魚個師傅, 係日本人喎, 再望真o的... 佢咪係之前o係銅鑼灣間板前做o既?! 唔通哩間都係同板
既然入便又冇咩人唔駛等位, 就試試佢啦!
新鋪裝修當然唔錯, 店內面積唔大, 都算整潔企理. 打開menu 睇下, 當然係印刷精美, 價錢方面比板前壽司/峰壽司/元氣都略貴, 不過大路貨如三文魚/甜蛋等都係standard 最平o既$9 一碟, 最貴o既好似係$45 一碟.
睇下迴轉帶上, 可能因為客少, 都冇幾多碟壽司o係度, 不過其實我都係慣o左寫紙, 所以都冇咩所謂. 從迴轉帶上已見到壽司size 係好細件, 原本我想食帆立貝, 但見到係咁的式, 就放棄o左(我比較喜歡板前勁大件o既珍寶帆立貝).
等o左幾分鐘, order o既食物終於來到. 三文魚, 唔係好得, 甜蛋反而覺得幾好. 其他如海膽都算中規中舉, 但整體我都係覺得板前好o的, 而且平o的, 不過就慘在係要等位等到死... 咦, 望一望切魚個師傅, 係日本人喎, 再望真o的... 佢咪係之前o係銅鑼灣間板前做o既?! 唔通哩間都係同板前同一集團? 只係改變裝修, 走格調路線, 兼收貴o的! ~_~"
兩個人食o左10 碟, 我就完全唔飽(因壽司size 細), 埋單$151. 哩個價錢, 早知去盛八食個價日二人lunch set 好過啦~~~
ps. 另外提下服務, 可能因為新開, o的staff 又係新請, 所以唔多醒目. 尤其係有個男仔(廿幾歲後生仔)又冇禮貌又冇記性, 拎o左你張單又唔會主動同你check 單, 望住佢個樣真係令人反感(唔係話佢樣衰, 而係又冇笑容又寸寸貢咁o既樣). 而有另一個三十幾歲o既女侍應就好好多. 說話親切有禮, 態度亦好, 值得一讚.
张贴