影片
更多
2022-07-24
2649 浏览
突然今晚好想食buffet，估唔星期六晚都即book即有，仲有全單7折，時段係第二輪8:30至10:30。首先第一樣野夾係龍蝦，龍蝦略為乾身、無乜龍蝦味，但都算啖啖肉。刺身就好一般，三文魚切到好細片，只係未切到成粒狀，唔似酒店級。至於帶子就好新鮮，我平時唔「好」帶子都食左好多。全場麪包蟹只得兩個蟹蓋，其餘都係手腳。好彩俾我夾到蟹蓋，個蟹蓋爆多膏，好好食。長腳蟹好食唔䶢，但可能因為食8:30時段，第一輪已經剩返唔多，仲要係瘦猛猛，等到9:15 d staff先補返一輪，但好快已經俾人夾左一半。熟食方面，煙肉焗蠔，膠味加少少苦味，食左一隻就要放棄。咖哩雞偏辣，但個咖哩汁真心好食，至於咖哩羊個汁就唔係好啱我胃口。個避風塘炒蟹優點就係啖啖肉，但係當然係銅X灣嘅好食好多啦。令我好suprise嘅係鵝肝，真係好好好好食，外脆內軟，勁厚身，但等左成個鐘先有。因為太好食，所以encore左。甜品方面，中規中矩，有十多款cake，最好食係朱古力moss同焗布甸，仲有芒果糯米同豆腐花，不過太飽冇試到。Last，枱與枱之間嘅距離唔算好spacious，但因為哩個時段唔多人食(一半full），所以都ok，又唔
首先第一樣野夾係龍蝦，龍蝦略為乾身、無乜龍蝦味，但都算啖啖肉。刺身就好一般，三文魚切到好細片，只係未切到成粒狀，唔似酒店級。至於帶子就好新鮮，我平時唔「好」帶子都食左好多。全場麪包蟹只得兩個蟹蓋，其餘都係手腳。好彩俾我夾到蟹蓋，個蟹蓋爆多膏，好好食。長腳蟹好食唔䶢，但可能因為食8:30時段，第一輪已經剩返唔多，仲要係瘦猛猛，等到9:15 d staff先補返一輪，但好快已經俾人夾左一半。
熟食方面，煙肉焗蠔，膠味加少少苦味，食左一隻就要放棄。咖哩雞偏辣，但個咖哩汁真心好食，至於咖哩羊個汁就唔係好啱我胃口。個避風塘炒蟹優點就係啖啖肉，但係當然係銅X灣嘅好食好多啦。令我好suprise嘅係鵝肝，真係好好好好食，外脆內軟，勁厚身，但等左成個鐘先有。因為太好食，所以encore左。
甜品方面，中規中矩，有十多款cake，最好食係朱古力moss同焗布甸，仲有芒果糯米同豆腐花，不過太飽冇試到。
Last，枱與枱之間嘅距離唔算好spacious，但因為哩個時段唔多人食(一半full），所以都ok，又唔會嘈，傾到計嘅。
總結下，食物首推鵝肝，其次係長腳蟹。劣食首推焗蠔，其次係三文魚刺身。
全單二人$1288，ok啦⋯⋯😁😁😁
张贴