花椒子 (已結業)

星期五夜晚去旺角又餓又唔想排隊食野，見到個門口都幾靚就去左食，一開始覺得有酸菜魚應該唔錯，心諗今次應該唔會中伏。點知跟左個侍應落左去地下果層等都唔洗等就有枱，心諗又中伏⋯今次食野 人均消費大約250左右，個人覺得唔值呢個價，主要食物份量唔係特別多，味道唔入味，最重要‼️白飯係凍（朋友覺得）。個人就覺得係唔熱（白飯熱係好重要），咁樣唯一可以講係食裝修姐係氣氛，氣氛嚟講太空主題係幾得意，但我對食物嘅要求就更加重視，所以大減到我覺得連個景都無心情睇。今次食左咩～半鍋酸菜魚，半鍋麻辣湯鴨血，酸菜魚大概得八片，加上少量鴨血，基本上要食飽就要加去料，加料份量唔多，加左料食完都可以食串魚蛋咁先叫飽。因為唔入味成件事就變成 好食唔可以話好食，難食又未去到，飽就一定唔飽。本人唔會幫襯第二次。