施心畢老撾餐廳

营业中

休息中

剛到客戶公司開會，直落數小時會議，人都呆呆地。開完會，差不多都到晚膳時間，同事話不如吃完才回家吧。上網找了附近的食店，見到這間老撾菜，幾特別，又大獲好評，便即管一試。上來後，佈置有D簡約，有D越南風味。在餐牌上有特別提及施心畢的由來，原來是老撾皇族後代，又幾特別。坐下看餐牌，又發現有趣事，他們的飯叫見球，如無圖片，真是唔知是什麼來。我們二人叫了豬頸肉紅咖哩見球、海鮮湯米粉、素菜米紙卷和是拉差牛油雞翼。飲品方面，我叫了特別的老撾咖啡，同事叫了龍眼梳打冰。先來的是咖啡，是滴漏咖啡，好似越南咖啡，好正，係我至愛。再來是紅咖哩飯和湯米粉。飯有好多配菜及用上三色米，好健康，D豬頸肉好冧，飯配上咖哩，好好味，有少許辣。嗰米粉好多料，抵食，再看回餐牌才知道，米粉是自家制造，100%用米做成，又幾健康咁。跟住來的是米紙，好清新，好有薄荷香味，喜歡吃薄荷的一定會喜歡。最後來的是雞翼，抵讃的是，佢哋做成單骨雞翼，容易進食，可以保持儀態。雞翼如空口吃，會偏咸，配上米粉或飯剛好。雞翼炸得鬆脆，個人感覺有D似韓式炸雞。