影片
更多
2022-01-05
242 浏览
星期五請左假，同朋友行下屯市商場，之後搵個位hea，朋友話想黎試呢間個梳乎厘班戟，難得平日下午唔算太多人，一黎到就有枱喎，唔係唔試呀！？餐牌唔算太多選擇，主打梳乎厘，都有少量輕食同意粉等，飲品就好多得揀嘞，仲見有張聖誕餐牌，期間限定…唔唔…有股魔力吸引我去點咁樣，哈哈。所以呢～就點左呢杯給白色聖誕的咖啡，賣相同餐牌一樣，讚！先飲一啖，啲啡好香但都幾苦，用支玉桂攪和層奶泡，塊白朱古力亦瀜在咖啡中，呢個時間杯啡就好好飲，甜度剛好，仲有好香玉桂同八角味，原來八角做飲品特別得黎又好味喎。朋友點了提拉米蘇咖啡，佢話未飲過要試下新野喎。上層係Tiramisu的奶酪混合物，又香又滑帶微甜，下層就係齋啡，由於怕苦，朋友都係攪拌先飲，佢話好好味好香喎。由於本人未食晏，所以除左食甜品，都點返樣鹹點食先，揀左黃金蛋沙律三文治。係蛋沙律三文治再夾入溏心蛋，作為蛋控覺得好正，溏心蛋綿綿的，蛋黃好正，麵包烘成多士，塗滿蛋沙律真係好好味，呢個意念唔錯，試下返屋企複製一下先。除左梳乎厘仲叫左另一個甜品，就係呢個咖啡慕斯蛋糕，見隔離枱個小朋友食青蘋果好正咁，又想試下。蛋糕造型係粒巨型咖啡豆，同系列入面仲有橙、青蘋果同士
餐牌唔算太多選擇，主打梳乎厘，都有少量輕食同意粉等，飲品就好多得揀嘞，仲見有張聖誕餐牌，期間限定…唔唔…有股魔力吸引我去點咁樣，哈哈。
所以呢～就點左呢杯給白色聖誕的咖啡，賣相同餐牌一樣，讚！
先飲一啖，啲啡好香但都幾苦，用支玉桂攪和層奶泡，塊白朱古力亦瀜在咖啡中，呢個時間杯啡就好好飲，甜度剛好，仲有好香玉桂同八角味，原來八角做飲品特別得黎又好味喎。
朋友點了提拉米蘇咖啡，佢話未飲過要試下新野喎。
上層係Tiramisu的奶酪混合物，又香又滑帶微甜，下層就係齋啡，由於怕苦，朋友都係攪拌先飲，佢話好好味好香喎。
由於本人未食晏，所以除左食甜品，都點返樣鹹點食先，揀左黃金蛋沙律三文治。
係蛋沙律三文治再夾入溏心蛋，作為蛋控覺得好正，溏心蛋綿綿的，蛋黃好正，麵包烘成多士，塗滿蛋沙律真係好好味，呢個意念唔錯，試下返屋企複製一下先。
除左梳乎厘仲叫左另一個甜品，就係呢個咖啡慕斯蛋糕，見隔離枱個小朋友食青蘋果好正咁，又想試下。
蛋糕造型係粒巨型咖啡豆，同系列入面仲有橙、青蘋果同士多啤梨。
嘩嘩～有驚喜！慕絲綿滑濕潤，中間有咖啡沙冰，仲有咖啡味嘅餅底，成件蛋糕充滿咖啡味，但一點都不苦澀，微微甜度好啱口味，食完呢個好想試埋另外幾個生果造型呀。
今日嘅主角白色聖誕車厘子梳乎厘，雖然咁多款梳乎厘都想試，但都係揀左聖誕版。
聖誕版係配上白朱古力同車厘子，賣相好靚，快快拍完幾張相就試佢啦。
梳乎厘很厚，入面軟綿綿的，好重蛋香，本身已經微甜，唔點醬都好好味，加埋車厘子醬酸酸地更正，呵呵～好滿足啊。 好味好味，甜品果然能帶來幸福感～
张贴
