浜燒大將 (已結業)

浜燒比我四大印象;1) 好迫， 好大陣燒烤味2) 唔平 (對比服務質素及舒適度)3) 服務質素中平, 催促人客盡快還枱4) 點解播廣東歌既? 我地坐落就同我地講可以食個半鐘， 飲酒既話就比我地坐耐啲！我同朋友見咁迫都一心諗住食完再搵地方飲野。我地叫左個$8××既燒海鮮餐， 再加一碟(4片) 和牛$90 同2杯酒。加一後埋單約$1,4××。因地方淺窄，佢地既燒物唔係喺我地面前燒。個侍應擺左我地既食物上爐就做其他野，過一陣上枱比我地。一輪衝鋒咁燒晒上枱。我地啲食物呀💔…有過左火既又有爭啲啲既。我聽到我地隔離枱出聲叫佢地慢啲。有時都好明白香港租貴要翻枱， 但人客有比足錢你地功夫就應做足， 唔可以一副願打願捱既態度。呢度又迫又窄，價錢唔平， 食物又一般， 各位服務員都係操流利煲冬瓜既阿姨。我諗唔到值得我再嚟既誘因！每位為起$700…呢個budget仲有好多選擇。