星座冰室 (已搬遷) 新店位置

難得有幾日公眾假期，我呢個小吃貨又要繼續覓食喇！聖誕假期花費不少，今次唔想食太貴，搵搵下，搵到呢間。冰室係地庫，要經過較暗同較多雜物的後樓梯才到，充滿神秘感。第一次來，好難想像會有一間餐廳係度。終於到了，估唔到真係有十幾人係度食，感覺好有趣。餐廳格舊較舊，別有一番風味。驟眼也見到有不少遊客呢。一場來到，當然要試招牌蕃茄撈蛋麵。（$32）蕃茄炒蛋一直是兒時最愛，既開胃又易送飯，用來撈麵唔知係點呢？落單時，掙扎了好耐要意粉、通粉，定公仔麵好！最後還是決定要公仔麵這個邪惡配搭！蕃茄蛋湯較稠身，有點像糊狀。入口是熱燙燙的，要小心呢！湯底綿滑，好多蛋花，帶少許甜。配上有咬口的公仔麵，感覺一絕。來到舊式茶記，又怎少得奶茶？男友叫了一杯茶走（走花奶，轉煉奶）。奶茶深褐色，底層的煉奶非常吸引。奶茶有茶香而不澀，煉奶令其口感更幼滑，確是出色，單叫要$14也貴得有理。小小的一個下午茶，吃得我倆津津有味。以後在尖沙咀又多了一處平食之選。