影片
更多
2019-02-24
76 浏览
星加坡人氣過江龍海南雞飯店香港都有得食好耐。之前試過銅鑼灣分店覺得味道都好唔錯，今次去開圓方就試埋尖沙咀呢間分店啦。星期一至日，就算公眾假期都有set lunch，可以加配小食同埋飲品。先講小食，首先要左”讓燻蛋飛”，燻蛋煙燻味適中，蛋白好嫩滑，蛋黃做到溏心效果，蛋香味濃，真係幾好食。另外朋友揀咗蒜香豆腐，切成條狀嘅滑豆腐炸到外脆內軟，再加左小小椒鹽同埋大量脆蒜。主食方面當然必叫海南雞飯啦。我哋今日遲咗嚟所以冇哂雞髀飯，但普通嘅海南雞都已經好好食。呢度嘅雞同星加坡嗰邊都係選用同一個雞種，雞味濃，皮薄肉滑，而且一啲肥膏都冇。而且上菜嘅時候雞肉上面已經鋪滿濃濃嘅秘製雞汁，就咁食已經好夠味。但如果想更加有層次，可以選擇加埋黑醬油，薑蓉同秘製辣醬。呢度除咗有海南雞飯食之外亦都有麵食，我哋要咗個有星加坡特色嘅肉骨茶和牛麵。老實講肉骨茶嘅味道唔算好重，但係牛肉味就好濃！配以煙un既粗麵岩哂。而且配料亦夠哂豪華，除咗有和牛牛腩之外，亦有牛肚同牛𦟌。每樣都好大件厚身。飲品方面都係要左星加坡特色嘅凍美祿，夠晒冰凍既朱古力上面再加上美祿粉，更加濃味。而最令人驚喜嘅係竟然呢度都有芝士奶蓋品，選擇亦唔少。今次
星期一至日，就算公眾假期都有set lunch，可以加配小食同埋飲品。
先講小食，首先要左”讓燻蛋飛”，燻蛋煙燻味適中，蛋白好嫩滑，蛋黃做到溏心效果，蛋香味濃，真係幾好食。
另外朋友揀咗蒜香豆腐，切成條狀嘅滑豆腐炸到外脆內軟，再加左小小椒鹽同埋大量脆蒜。
主食方面當然必叫海南雞飯啦。我哋今日遲咗嚟所以冇哂雞髀飯，但普通嘅海南雞都已經好好食。呢度嘅雞同星加坡嗰邊都係選用同一個雞種，雞味濃，皮薄肉滑，而且一啲肥膏都冇。
而且上菜嘅時候雞肉上面已經鋪滿濃濃嘅秘製雞汁，就咁食已經好夠味。但如果想更加有層次，可以選擇加埋黑醬油，薑蓉同秘製辣醬。
呢度除咗有海南雞飯食之外亦都有麵食，我哋要咗個有星加坡特色嘅肉骨茶和牛麵。
老實講肉骨茶嘅味道唔算好重，但係牛肉味就好濃！配以煙un既粗麵岩哂。
而且配料亦夠哂豪華，除咗有和牛牛腩之外，亦有牛肚同牛𦟌。每樣都好大件厚身。
飲品方面都係要左星加坡特色嘅凍美祿，夠晒冰凍既朱古力上面再加上美祿粉，更加濃味。
而最令人驚喜嘅係竟然呢度都有芝士奶蓋品，選擇亦唔少。
今次自己就揀咗芝芝桃桃，奶蓋真係做得幾出色，用上北海道3.6牛乳加喜馬拉雅山岩鹽製造，口感好厚。下面嘅桃汁亦有果肉，味道亦都唔會太甜。
希望香港同星加坡既天天都可以一直保持水準啦。
张贴
