629 淥易搞 (已結業)

同亞妹 shopping 完, 好肚餓, 要速食ㄧ餐醫肚, 見到間餐廳叫淥易搞咁特别, 就入去試下。餐廳都算大, 座位舒適。而且還有酒吧形的枱櫈, 坐在這些位用餐, 又是另ㄧ番風味呢!餐牌只有 2 版, 大大張的, 絕對不用擔心會看不清楚。點了香煎雞扒鮮茄薯仔米線及鮮冬菇餃子湯麵。睇下塊雞扒幾大塊, 煎到金黃色, 非常香口, 而且很入味, 又唔會太肥, 新鮮嘅蕃茄, 加埋ㄧ些好淋嘅薯仔, 仲有煙煙靭靭嘅米線, 非常之好味, 仲好健康㖭。輪到鮮冬菇餃子湯麵啦, 鮮冬菇有 3 隻, 煮得好入味, 餃子有 4 隻咁多, 雖然無煎過, 但勝在皮薄餡料多, 麵條好好食, 似係蕎麥麵, 所以很香, 加埋芫茜就更加香。叫了兩杯特飲 : 搖情牽繋及魄蕩魂搖, 真的完全估不到是甚麼呢? 其實係士多啤梨特調及水蜜桃特調。粉紅色嘅士多啤梨飲品幾浪漫, 加了檸檬, 令味道更突出。而另外一杯有好香嘅水蜜桃味, 加了青檸及藍莓, 很有視覺感覺。餐廳嘅牆身貼了大大張的食物海報, 圖文並茂, 讓客人知道食物嘅真相。