Greyhound Café (又一城)

营业中

休息中

前排見到網上有人介紹依間餐廳嘅鑪魚好似幾正，尋日出去又一城買野，順便食埋鱸魚晚餐先返去屋企。環境相當舒適寧靜，空間感十足。我地點左泰式燴牛肉及牛丸湯米粉，會有4款醬料俾大家自行調配，但個人覺得湯頭已經好夠味，所以唔洗加。燴牛肉相當嫰滑。泰式雜菌炒金邊粉個人好鍾意泰式炒金邊粉嘅，惹味得黎又開胃，加埋花生多份口感就更滋味。泰式香茅明鱸魚依個相當有特色，同平時食明鑪魚好唔同，佢地會起晒肉拆骨再炸，令魚肉口感外脆內嫰。食到熱辣辣，飲返杯泰式奶茶和凍檸茶降降溫。本身想食芒果糯米飯，但咁岩今日無貨，所以點左雲呢拿和朱古力雪糕，夏日食就最岩。