板長壽司 (新都城中心二期) (已結業)

琴日1點幾同我啊媽走左去食板長，成間鋪頭坐唔滿。入到去個staff叫我坐左係2個女仔隔離，share左張4人枱。果下我已經不滿，有bar枱，有空枱，點解要張我地迫過去坐？（之後個女仔拎銀包果陣隻手撞到我）Order左呑拿魚魚生飯，個碗係油油地，魚生有d未解凍嘅感覺，飯唔係軟嘅。我知你個魚生飯淨係百幾蚊，點解你個廚房咩技巧都唔洗，仲可以搞成咁！Overall除左個女waitress (welcoming) service ok d，其他野咩都唔得。你會理解d人令願去排元氣都唔食佢，價錢差唔多，食都係咁嘅嘢。但係人地起碼service合格，唔會有位都叫你坐到迫鬼住晒，serve岀黎個碗係唔油嘅，飯起碼係軟同暖，食都開心d。我俾得依個價岀黎並唔係想要茶記或大排檔，真係唔好怪個鋪位唔好，再唔掂都比唔上果d軟件唔得。