貴緣小鍋米線 (崇潔街) (已結業)

[ 貴緣小鍋米線 ]呢排天氣轉涼好想食湯麵暖下胃，跟朋友嚟咗呢間小店食碗辣辣米線🍜✿ 秘製麻辣湯🔥 $31 呢度嘅米線每碗即點即煮，用明火烹調，上枱時熱到噴哂煙💨 湯底有4款選擇，有辣有唔辣。而呢款「秘製麻辣湯」湯底聞落幾香麻辣味，食落似麻辣雞煲味，幾特別幾好味😋，但略為濃味。麵底有米線、紅薯粉、米粉&芽菜底選擇，米線份量正常，彈滑而煙韌度適中。兩配米線配料分別選擇咗豬軟骨 $10秘製腩肉| 微辣 $10鹵水大腸 $10鹵水豬肚 $10螺旋藻 $9豬紅 $8配料份量正常，個人幾中意佢地嘅腩肉，肥瘦均勻唔鞋口。✿ 小食| 蒜泥白肉肉 $27 豬五花肉切成薄片，口感嫩滑，醬汁&蒜泥辣得惹味👅👅✿ 小食| 貴緣雞絲火山🌋 $27 配料有雞絲&榨菜，雞絲份量好多，啖啖肉帶點辣。總結🫦 中意食米線嘅朋友可以嚟試下，雖然地址係紅磡，但土瓜灣站行去會近啲，另外逢星期日休息唔好摸門釘🫣✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿貴緣小鍋米線地址：紅磡崇潔街20號地舖電話：5222 0894✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿