宴 尖沙咀

搭𨋢一出黎就見到沖繩嘅日本和風裝飾設計，一入到去，人唔太多，侍應特意將客人分開，唔洗全部都堆喺一個區域度。我地叫左松葉蟹棒卷，和牛炒飯，青酒煮大蜆，鹽燒豬手。叫咗野無耐，聽到把好熟識嘅笑聲！原來係鄭欣宜，連明星都黎食，感覺好有信心會有一餐好嘅。野食未到就先食前菜。呢個前菜有啲酸酸地嘅青瓜，幾開胃，仲有啲八爪魚，佢並唔係普通八爪魚仔啊。先上嘅係松葉蟹棒卷，看似係普通嘅蟹柳卷，但用蟹棒做，鮮味啲，同埋唔會好似蟹柳咁實肉。和牛炒飯好食，炒飯粒粒分明，仲要啲和牛係炒得剛剛好，唔太熟，唔太硬。青酒煮大蜆係明乎其實嘅大蜆呀，因為隻隻大蜆都厚肉架！即使慢慢食，酒香嘅味仲喺度。最後上菜嘅係鹽燒豬手。我好喜歡呢個豬手。佢嘅外層炸到脆一脆又鬆化，但內裡嘅仲保流住豬手嘅膠質，可謂外脆內軟。呢度嘅侍應都幾細心，見到我地隻碟快滿骨就已經幫我地換。