影片
更多
2017-01-15
1244 浏览
約朋友黎之前，見到咁多差評本來都有啲猶豫，但堅尼地難得開左啲特式小店，冇理由唔試下㗎嘛。傳說中的等好耐/店員態度唔好/嘢食凍哂&難食/店內衛生唔好…統統沒遇到。可能係因為星期五三點黎，個場唔爆所以唔洗等好耐？店員係好忙，但態度都幾好，去自助斟水咁啱冇水，佢仲專登為我地送上兩杯暖水。嘢食雖然唔係話超好食到要一去再去，但都唔差喎。不過大家黎記住要關好門，隔離係公園真心好多蚊，店員直頭攞左個電蚊拍出黎拍蚊…冬天都咁樣，唔知夏天點算…如果平日有時間，約朋友去點子hea下傾下謁，真心唔錯。------------------------------是日返早，收工去到點子啱啱好三點，試左宇治綠茶流心班戟，梳乎里班戟，紫薯牛奶，綠茶牛奶。飲品先上，啟動港女mode影左陣相，玩左一陣兩個班戟都先後上枱，等待時間都唔算耐。宇治綠茶流心班戟唔夠綠茶味，流心還可以，豆腐雪糕反而唔錯，但如果下次再黎唔會返兜。梳乎里班戟傳說中冇乜味唔係幾好食，但我反而鍾意呢個班戟多啲。其實食落咪就係梳乎里咁囉，都幾好食喎，唔洗點糖漿都夠味。重點係，佢個樣真係好可愛，一定會黎再食多次。紫薯牛奶紫薯味非常濃郁，牛奶味亦好香好滑，唔
見到咁多差評本來都有啲猶豫，
但堅尼地難得開左啲特式小店，
冇理由唔試下㗎嘛。
傳說中的等好耐/店員態度唔好/嘢食凍哂&難食/店內衛生唔好…統統沒遇到。
可能係因為星期五三點黎，
個場唔爆所以唔洗等好耐？
店員係好忙，
但態度都幾好，
去自助斟水咁啱冇水，
佢仲專登為我地送上兩杯暖水。
嘢食雖然唔係話超好食到要一去再去，
但都唔差喎。
不過大家黎記住要關好門，
隔離係公園真心好多蚊，
店員直頭攞左個電蚊拍出黎拍蚊…
冬天都咁樣，
唔知夏天點算…
如果平日有時間，
約朋友去點子hea下傾下謁，
真心唔錯。
------------------------------
是日返早，
收工去到點子啱啱好三點，
試左宇治綠茶流心班戟，梳乎里班戟，紫薯牛奶，綠茶牛奶。
飲品先上，啟動港女mode影左陣相，
玩左一陣兩個班戟都先後上枱，
等待時間都唔算耐。
宇治綠茶流心班戟
唔夠綠茶味，流心還可以，豆腐雪糕反而唔錯，但如果下次再黎唔會返兜。
梳乎里班戟
傳說中冇乜味唔係幾好食，但我反而鍾意呢個班戟多啲。其實食落咪就係梳乎里咁囉，都幾好食喎，唔洗點糖漿都夠味。重點係，佢個樣真係好可愛，一定會黎再食多次。
紫薯牛奶
紫薯味非常濃郁，牛奶味亦好香好滑，唔太甜，飲完非常滿足！
綠茶牛奶
綠茶味普通，冇紫薯牛奶咁香濃咁滑，不過唔甜，適合怕甜人士。
------------------------------
此店甜品偏甜，
綠茶系列似乎普通，
如果純粹想食好西，
咁可能會覺得麻麻地。
但適合想hea下/影相呃like人士，
店內環境餐具都幾有心思，
平日人少少黎就最啱。
我同朋友由三點hea到六點，
有得食有得瘋狂自拍有得無限hea,
我本人好滿意，
會再黎！
张贴
