杯中物

营业中

休息中

我地食緊旁邊饅頭漢堡之際，見到呢間小食店有薯條食，又想試下。杯中物嘅食物種類多到驚訝，本來以為佢地主打「貓包」，炸物、小食，但我見佢地餐牌仲有喇沙湯麵、飯杯中物寶盒 $25 (自選小食+脆炸薯條)驟眼睇見到約有三十款小食，例如：沙嗲雞肉串、洋蔥圈、炸雪糕、吉列帶子、小甘薯、抹茶麻糬…有鹹有甜。本來另加10蚊可以要埋飲品，但因為我地已經喺牛葉飲左，所以冇點。後來睇返都係負皮多，好彩慳返明太子雞翼 配 炸薯條 $25炸雞翼有兩隻，入面釀左明太子，正常大小，炸得幾靚仔！唔會好燶好乾柴，但雞翼食落冇乜味，由於要釀明太子，大部分雞肉都已經起左出黎~明太子份量唔少，熱辣辣，有味但唔鹹，算係咁！薯條調味7選1，分別係：芝士肉醬、麻辣粉、香辣粉、燒烤粉、紫菜、和風芝麻醬、馬來咖哩薯條係粗身波浪嗰隻，有半杯左右，即叫即炸。我地揀左香辣粉，最穩陣，食落就少少鹹少少辣，都唔太差啫。其實佢小食有咁多款，我諗都好難試得哂，只可以話你聽以上兩款唔差。