Applegreen (已結業)

呢間食肆係近期人氣大熱, 想到此用膳, 必須先預訂, walk in, no way la. 都幾難有位. 是日跟友人賀壽, 當然搵間坐得舒服, 最好未食過架啦! 咁呢度就成為咗不二之選.先嚟一個棒棒雞沙律, 用了芝麻醬和醋, 加上生菜, 脆脆, 雞肉….材料, 醋醋地, 麻醬又香, 又幾開胃. 薯皮, 醬汁欠奉, 辣肉不辣, 只可當填肚之物. 明太子意粉, 起初唔係幾想叫, 明太子…係咪即係辣辣地, 咸咸地個d?! 一諗起都打冷震. 但係侍應又話呢個幾好味, d 客人食過都叫好架. 咁…我好大胆咁…就叫咗呢個. 賣相都唔錯, 有d 紫菜係上面, 幾精美. 不過好似無乜材料喎…試咗一口, oh no! 好好味, 真係好好味! 無諗過明太子加咗d 沙律醬汁後, 只餘丁點的辣味, 跟沙律汁係美妙的配搭. 明太子有少少爽脆, 咬到卜一聲, 係好得意架! 再加紫菜, 真係幾惹味! 但意粉較硬身, 可改善一下.服務幾好, 帶了件大大地的禮物, 要求侍應存放, 都無托手踭.