明乾小館 (裝修中)

尖沙咀H8呢幢美食之樓最近開咗呢間明乾小館，主打點心及滋味中菜😆環境光線明亮，地方都闊落，食得舒服又開心😘鴛鴦蝦腸非常之有特色，紅白相間，皮薄軟滑，而且啲蝦彈牙爽口，配搭埋甜豉油，滋味滿瀉😆水煮牛肉非常之惹味，而且大大兜，配料又夠豐富，有芽菜、萵筍、木耳等等口感非常之豐富，牛肉片亦都非常之軟身，好好味😍蝦多士都整得幾有水準，脆口得來又食到麵包嘅香，而且大細啱啱好，兩啖就K.O.晒，配埋甜甜酸酸嘅千島醬，一流😎上湯竹笙浸時蔬都好好味，時蔬係菜心，大大條，而且非常之甜，新鮮爽口，而且啲竹笙朔晒啲上湯，非常之惹味😋