HeSheEat (白布街) (已結業)

同朋友出旺角行完街之後 就去左HeSheEat食 呢間餐廳有幾間分店 但旺角我就冇試過 不過原來間間menu都差不多🤣每次食HeSheEat 我都好中意叫牛油果蟹肉沙律 因為好足料 牛油果夠多 蟹肉味都好出 所以成個沙律都好鮮味又健康☺️呢間嘅牛角包我都好鍾意 本身想嗌龍蝦嗰個 但售罄左所以揀咗煙三文魚 成個配搭都好夾 加埋蛋沙律都唔會好膩~另外點多咗個墨汁意粉 墨魚好大嚿好彈牙 意粉份量都好多 食到我同朋友好飽☺️但嚟到HeSheEat 都一定會叫佢嘅甜品 今次我哋揀咗個鬆餅加麻薯 配杏仁雪糕 鬆餅好鬆軟 同麻薯都好夾 整個組合好特別😋