影片
更多
2023-03-17
55 浏览
旺角 No Beef No Life 燒肉酒場大眾燒肉酒場📍旺角通菜街1A-1L號威達商業大廈Deli2 一樓1A號舖➰好歌推介「油尖旺金毛Ling晚上就出現，漆黑的K房裹唱心事。」.#油尖旺金毛玲 #Serrini➰今日係旺角買完露營用品，有好多樓上露營鋪頭都好多選擇，邊行邊買已經不期然回味緊係Camping BBQ嘅滋味回憶，所以今晚就決定同朋友一齊去食燒肉。.今晚食嘅依間燒肉餐廳近期人氣度一直好高，標榜大眾化價錢之餘又提供到優質燒肉，所以都建議預早打定電話訂位，如果唔係都要碰碰運氣睇下Walk In有無位。.餐廳距離旺角站約5分鐘路程，一出電梯已經睇到餐廳醒目招牌，入口掛滿日式大燈籠好有氣氛，餐廳以居酒屋風格設計，中間分隔一條長走廊貼滿店內推薦菜式，大致分為兩邊用餐區，就座後更見到一個裝飾標語寫住「No Beef No Life」，筆者表示十分認同。😎➰飲品✥檸檬威士忌梳打 💲38 ⭐️4.2/5⭐️✥Sapporo生啤 💲28 ⭐️4.2/5⭐️餐廳飲品主要分有酒精無酒精飲品兩類，無酒精飲品方面見在場客人多數都點左冷泡茶類，而筆者同友人都係”酒肉朋友”，所以當然就叫返杯酒盡興一下。.
大眾燒肉酒場
📍旺角通菜街1A-1L號威達商業大廈Deli2 一樓1A號舖
➰好歌推介
「油尖旺金毛Ling晚上就出現，漆黑的K房裹唱心事。」
.
#油尖旺金毛玲 #Serrini
➰
今日係旺角買完露營用品，有好多樓上露營鋪頭都好多選擇，邊行邊買已經不期然回味緊係Camping BBQ嘅滋味回憶，所以今晚就決定同朋友一齊去食燒肉。
.
今晚食嘅依間燒肉餐廳近期人氣度一直好高，標榜大眾化價錢之餘又提供到優質燒肉，所以都建議預早打定電話訂位，如果唔係都要碰碰運氣睇下Walk In有無位。
.
餐廳距離旺角站約5分鐘路程，一出電梯已經睇到餐廳醒目招牌，入口掛滿日式大燈籠好有氣氛，餐廳以居酒屋風格設計，中間分隔一條長走廊貼滿店內推薦菜式，大致分為兩邊用餐區，就座後更見到一個裝飾標語寫住「No Beef No Life」，筆者表示十分認同。😎
➰飲品✥檸檬威士忌梳打 💲38 ⭐️4.2/5⭐️
✥Sapporo生啤 💲28 ⭐️4.2/5⭐️
餐廳飲品主要分有酒精無酒精飲品兩類，無酒精飲品方面見在場客人多數都點左冷泡茶類，而筆者同友人都係”酒肉朋友”，所以當然就叫返杯酒盡興一下。
.
我今日揀左High ball，whisky酒感唔算重，加入左兩大粒檸檬同梳打水酸爽度好滿足。朋友叫左Sapporo生啤亦都非常解膩歡暢。🥳
檸檬威士忌梳打
1 浏览
0 赞好
0 留言
✥前菜小食
餐廳雖然叫大眾燒肉酒場，但亦不止燒肉咁簡單，Menu仲有好多其他吸引嘅食品。
.
和牛他他配多士 💲88 ⭐️4.3/5⭐️
和牛他他擺盤精緻，鮮艷橙黃嘅月見蛋黃配搭鮮紅和牛他他令人垂涎欲滴，攪拌過後不急進食，建議先將多士放於爐中再烤至香酥，再放上生和牛他他一同進食，冰與火嘅衝擊更加刺激味蕾，和牛他他調味恰到好處，微酸中帶鮮甜，開胃入口，好推薦。😋
和牛他他配多士
13 浏览
0 赞好
0 留言
免治和牛多士 💲88 ⭐️4.3/5⭐️
和牛多士一份四件，份量都唔惹少，拎起多士已經感受到多士嘅薄脆感，每塊多士都有黑松露碎伴碟，入口多士香脆，而炸和牛粉漿亦都好薄，免治效果令到口感更多變化，仲食到粒粒和牛質感，加上有甜辣芥末醬中和番油膩感，整體層次豐富，好滿足亦都好推薦。🥳
免治和牛多士
30 浏览
1 赞好
0 留言
蟹肉免治和牛炸棒 💲48 ⭐️4.1/5⭐️
一串炸和牛加上份量豐富嘅蟹肉鋪面，已經令人食指大動，再配上惹味燒汁，令整體更易入口，唔錯。
蟹肉免治和牛炸棒
36 浏览
0 赞好
0 留言
餐廳主角部分當然係燒肉，豬牛雞樣樣皆有，種類繁多，而且價錢大眾化，亦有和牛級數比客人選擇，照顧到唔同客人需要。
.
和牛壽喜燒 💲88 4.2/5⭐️
火炙自信作和牛 💲88 4.2/5⭐️
兩款燒肉亦由店員作席前火灸，睇住油脂豐富肉紋條理分明嘅和牛火炙至粉嫩，期間聞到油香四溢，感覺非常治癒，一則配上壽喜燒汁連一口小飯；一則配上紫蘇葉及洋蔥等配料，各適其適，味道均是滿足滋味。
火炙自信作和牛
3 浏览
0 赞好
0 留言
火炙自信作和牛
5 浏览
0 赞好
0 留言
薄切牛舌 💲28 4.1/5⭐️
厚切牛舌芯 💲48 4.3/5⭐️
筆者同朋友都係牛舌控，餐廳有兩款牛舌提供，薄切牛舌鋪滿一碟，份量毫不欺場，輕輕各燒十數秒已經可以上碟，粉嫩爽彈有咬口，超高性價比之選。而厚切牛舌芯份量都好足夠，兩邊燒至香口微脆，有咬口之餘亦有豐富肉汁，兩樣都係超高性價比之選，牛舌控不容錯過。😋
.和牛沙巴當 💲98 4.2/5⭐️
和牛霜降·赤身盛 💲88 4.2/5⭐️
牛食雞(3件) 💲98 4.2/5⭐️
餐廳三款比較高檔嘅燒牛肉，其中沙巴當同霜降赤身油脂雪花肉紋分佈好均勻，入口肉質細嫩，牛味唔算濃郁，但係油脂感好豐富，非常滿足但不能夠食得太多。😋
.
至於牛食雞更為特別，係燒牛肉之間加入醬油漬蛋黃，燒牛肉同時令醬油漬蛋黃沾上肉汁，入口非常邪惡，先是牛肉油脂，再到醬油漬蛋黃嘅咸香，飽膩感好重，但同時亦非常滿足。
牛食雞
17 浏览
0 赞好
0 留言
柚子雞肉 💲28 4.2/5⭐️
一隻小雞造型餐碗裝住滿瀉嘅雞件，非常可愛趣緻，筆者都忍唔住特登同佢多影幾張相，雞肉份量非常多，性價比同樣超高，而且經過柚子醃料調味，入口淡淡柚子香氣，清爽唔油膩，好推薦。☺️
柚子雞肉
8 浏览
0 赞好
0 留言
其實我地都已經八至九成飽，但Menu見到一個非常吸引嘅丼飯都引唔住再叫一份主食。
.
豬油叉燒丼 💲38 4.3/5⭐️
店員奉上叉燒丼嘅同時配上一兜豬油，提示將豬油於燒爐中燒2分鐘再淋落叉燒丼上，叉燒丼有3件厚切日式叉燒，配料有香蔥洋蔥芫茜及梅子，淋上醬油及豬油後再撈勻進食，每啖飯都充滿豬油香氣，加上厚切叉燒入口即溶雙倍油脂，今餐罪惡感實在非常重，但不得不說亦都非常滋味。😈
豬油叉燒丼
4 浏览
0 赞好
0 留言
餐廳雖然以燒肉作主打，但其他前菜小食甚至主食都相當出色，而燒肉價錢亦非常大眾化高性價比，豐儉由人，係一間主打高質性價比燒肉嘅餐廳，而且環境裝修亦好舒適，店員都好細心幫手換燒網及提示食法等，係一間可以一再回味嘅燒肉餐廳。
➿➿➿#大眾燒肉酒場
#旺角美食#hkfood #hkfoodie #foodiehk #hkfoodblogger #hkfoodlover #hkfoodstagram #hkfoodporn #852eats #hkiger
#食好西 #相機食先 #香港美食
#NoBeefNoLife#和牛他他配多士#免治和牛多士#厚切牛舌芯#和牛沙巴當#柚子雞肉#豬油叉燒丼
➿
张贴
