R.I.M.K (已結業)

RIMK cafe☕️｜旺角 高質樓上cafe +$1蛋糕放題｜😛今日我哋嚟到旺角一間樓上Cafe食飯，我哋係俾佢嘅加一蚊蛋糕放題吸引到，所以就上咗去啦。✅如果想食到佢哋加一蚊蛋糕放題嘅話，咁就要升級套餐，先可以加一蚊食蛋糕放題嘅。🦀蟹肉蟹子明太子意粉 呢個意粉望落就真係好足料啦，佢啲意粉醬落得好多，幾乎每一條意粉都掛滿晒佢個汁。仲有明太子同埋蟹子嘅份量都好多，食落好夠濃郁，同埋好creamy，意粉軟硬程度都適中，唔錯🍝蒜香辣椒蜆肉意大利粉配軟殼蟹呢個意粉用石鍋上，可以保持到佢嘅熱度，意粉軟硬程度都唔錯，係偏向幼身嘅意大利麵。而味道方面我覺得都做得非常之好，唔係話好辣，但係佢個味道都幾豐富，除咗辣，同埋鹹，仲有甜甜地，蒜香味添。軟殼蟹雖然唔係話好脆，但係味道都唔錯，唔會太鹹🫕櫻花濃蝦湯櫻花濃湯都真係幾出色，味道好鮮，但唔會太鹹🍰蛋糕放題加一蚊蛋糕放題就真係非常之抵啦，今期佢哋呢都有一啲新推出嘅甜品而我今次呢就揀咗幾款嚟試吓嘅，我最推介係呢個柚子芝士蛋糕，同埋個抹茶卷。芝士蛋糕，柚子味真係好濃郁，但亦都好清新，個芝士蛋糕唔會太膩，口感都唔錯。抹茶卷就正常抹茶味，唔會太苦。