阿木台灣麵 (豉油街) (已搬遷) 新店位置

麻辣牛腩牛筋麵 $𝟔𝟗本身以為麻辣湯底會掩蓋左牛肉味🍜，但湯頭飲落勁濃甜，牛肉味超突出🐮！而阿木呢隻辣麻香較重，唔會辣到令人飲唔到湯；牛肉軟腍，筋肉分佈平均，而且份量多，好抵食，超推薦“(๑˃́ꇴ˂̀๑)!!!!!-鹽酥雞便當 $𝟓𝟒三款配菜分別有菜莆、滷蛋同滷麵筋。相比起牛肉麵，鹽酥雞就失色少少。雖然酥脆，但食落凍凍地，應該唔係新鮮炸起；肉燥飯肉香味未算重，但勝在份量夠多。-芝士肉鬆蛋餅 $𝟒𝟐蛋餅透薄煙韌，肉鬆爆哂餡，勁足料！肉鬆鹹香味濃厚，不過就略為有少少掩蓋左芝士嘅味道。-話梅/蜂蜜四季春 (套餐+$𝟏𝟐)兩隻都唔差，話梅同蜂蜜味都突出，好夾四季春，甜度少甜岩岩好。