牛大人台灣火鍋吃到飽 (瓊華中心) (已搬遷) 新店位置

本身打算約師兄食番餐好既，結果師兄大派粉紅炸彈💗！為左賀一賀佢，揀左師兄同我都好耐冇食既牛大人啦！位於旺角瓊華，一上到去細細既走廊堆滿人群，大部分都系等19:30入場。之前經歷過walk-in 等位的煎熬，自始之後，建議大家都係提早訂位！😎 餐廳有分3個套餐，每次黎親都會揀最外野食既【極上和牛吃到飽】（$328/位），因為可以食SRF美國黑牛、澳洲和牛M5牛肩卷、手切封門柳等，不過我都係鍾意食手切封門柳，肉質鬆軟嫩滑，牛味好濃。其次，SRF美國黑牛同埋澳洲和牛M5牛肩卷，油脂分布平均，好多肉汁。 除左肉類之外，推介埋佢地既漿丸類🍡，台灣海鮮漿、真味牛肉漿、黑松露海鮮漿、干貝鮮魚漿等，可以一試既係真味牛肉同干貝鮮魚，尼兩款好有咬口同彈牙。另外必嗌「澳洲M9和牛牛丸」，非常多汁，有種食緊潮汕牛筋丸既感覺。 仲有餐廳有好多台灣小食供應，滷肉飯🍚、台灣香腸、梅甘脆薯🍠等，可以邊食邊燒。餐廳依加做緊優惠，只需$68就有杯「強波酸啤🍻」，飲落有淡淡既荔枝香味，但冇平時果汁酒咁甜，可以try try。