難得去開旺角 都想搵間CAFÉ HEA下坐下
然後意外發現ZENI RONE隱身係間手袋店入面
就同朋友去CHILL下☺️
餐廳裝修好有格調 全都係卡位
傾計真係好岩 之間好有空間
環境寧靜 坐得舒適
仲有一個Mlesna Tea牆 砌成心形 好多人係到打卡📸
食物主打精緻輕食 甜品 飲品
最近仲有香草醬薄餅買1送1優惠 好抵食
我地就叫左2個主食同泡芙SHARE ☺️
💥焙茶焦脆泡芙
泡芙係世界品質評鑑Monde Selection
連續3年榮獲金獎 絕非浪得虛名
泡芙外面好香脆 帶焦糖香
入面既焙茶吉士醬 濃香又滑 真係必食😇
1
💥芝士慢煮雞肉墨西哥餡餅
呢道店員推介既 又真係幾唔錯
墨西哥餡餅好足料 入面有雞肉 蔬菜 芝士
芝士半溶 慢煮雞肉嫩滑 配埋個醬好惹味😋
💥明太子海鮮寛條麵
明太子份量都幾多 辣辣地
入面仲加左紫菜 再香口D
寛條麵口感岩岩好 亦好掛汁 😆
💥白桃伯爵茶
叫左杯Mlesna Tea白桃伯爵茶
好清香 配食可以消膩☺️
