雙魚座咖啡館

营业中

休息中

今日約左朋友仔行下旺角，未開始行就去左TOP商埸附近間【雙魚座咖啡館】打卡，餐廳以白色木系為主調，有種簡簡單單既感覺，枱與枱之間都有足夠距離，仲有窗台位。整體感覺舒服relax。 ⦁ 香煎比目魚拼雕魚 配 薯菜 $126比目魚味道鮮甜嫩滑，煎到外皮香脆，每啖都係肉。薯菜既份量都好多，沙律菜非常清新。 ⦁ 咸蛋黃單骨雞翼 +$38咸蛋味濃，加上單骨雞翼炸得香脆，每啖都係邪惡既味道。 ⦁ 菠蘿芝士豬扒三文治 配 脆炸薯條 $78尼個三文治不錯！菠蘿🍍有燒過，味道更加甜同多汁。而芝士🧀咸香，豬扒嫩滑易咬。 ⦁ 伯爵紅茶（跟餐）我揀左一杯熱茶暖身，伯爵茶濃而不澀。 ⦁ House Blend Coffee $68虹吸咖啡飲落唔會酸，咖啡味香濃撲鼻。朋友仔揀左凍，餐廳將個冰底同杯分開，有陣冰鎮既感覺之餘，亦唔會沖淡虹吸咖啡既味道，非常貼心。