影片
更多
2024-07-22
2106 浏览
台灣人氣燒肉店「燒肉Smile」已經登陸香港，位置就喺朗豪坊對面嘅文華商場，上到一樓就見到築間旺角一條街，有築間幸福鍋物、築間台灣鹽酥雞同燒肉Smile🤩我同同事今日食返個豐富嘅Lunch先，每款套餐都會包括肉類/海鮮、湯品、主食、生菜同韓式小菜吧任食、甜品同飲品，我地今次試咗牛肉同豬肉盛盒，包含咗牛肉同豬肉各種不同部位，啱晒樣樣都想試下嘅我😌韓式小菜吧必食小菜吧👍🏻一共有13款韓式小菜，有粟米仔、萵筍片、芽菜、鵪鶉蛋、泡菜、海帶、薯蓉、青瓜、蘿蔔片、木耳同蔥泡菜，有辣有唔辣，樣樣都好好食，特別喜愛鵪鶉蛋，醬油醃製一啖一粒食唔停口，蘿蔔片同木耳都非常爽脆生菜吧有10款沙律菜同醬汁可以自製新鮮嘅沙律，我最鍾意沙律菜加上粟米粒同青配上日式芝麻醬😋清爽又開胃，食完前菜都已經飽飽地，記得要留肚食燒肉😆牛肉盛盒包括無骨牛小排、Prime板腱牛、封門柳、牛肋間條同牛舌，牛小排肉質軟腍多汁，板腱牛較為爽口有咬口，封門柳肉味較為濃郁，牛肋條肉質較為緊致，厚切嘅牛舌爽口彈牙，配上四款不同嘅調味料，海鹽、辣椒粉、燒肉汁、香蔥，多重口感滋味👍🏻主食選擇咗韓式雪蟹膏拌飯，將蟹膏、蟹籽、香蔥同蒜片撈匀米飯一齊食
韓式小菜吧必食小菜吧👍🏻一共有13款韓式小菜，有粟米仔、萵筍片、芽菜、鵪鶉蛋、泡菜、海帶、薯蓉、青瓜、蘿蔔片、木耳同蔥泡菜，有辣有唔辣，樣樣都好好食，特別喜愛鵪鶉蛋，醬油醃製一啖一粒食唔停口，蘿蔔片同木耳都非常爽脆
生菜吧
有10款沙律菜同醬汁可以自製新鮮嘅沙律，我最鍾意沙律菜加上粟米粒同青配上日式芝麻醬😋清爽又開胃，食完前菜都已經飽飽地，記得要留肚食燒肉😆
牛肉盛盒
包括無骨牛小排、Prime板腱牛、封門柳、牛肋間條同牛舌，牛小排肉質軟腍多汁，板腱牛較為爽口有咬口，封門柳肉味較為濃郁，牛肋條肉質較為緊致，厚切嘅牛舌爽口彈牙，配上四款不同嘅調味料，海鹽、辣椒粉、燒肉汁、香蔥，多重口感滋味👍🏻
主食選擇咗韓式雪蟹膏拌飯，將蟹膏、蟹籽、香蔥同蒜片撈匀米飯一齊食，入口鹹香鮮味濃郁😋
配上雪濃牛骨湯，裡面仲加入咗牛肉碎，奶白色嘅牛骨湯味道清甜，正宗韓式風味🉐
豚肉盛盒
包括豚腩片、豚梅花、豚肋條、豚頸肉、同西班牙黑豚梅花，豚腩片油脂較多肉質較為軟身，豚肋條同豚頸肉則較為爽口，黑豚梅花油脂分布均勻，軟熟多汁，口感味道最好👍🏻
試埋另一款主食蔥花玉子飯，將半熟蛋篤穿，蛋汁拌入米飯之中，蛋香味濃郁，蔥香加上蛋香再加上油香十足嘅燒肉，美味😋
配上元祖人蔘雞湯，入口充滿人參嘅香再加上雞嘅鮮味，滋味又養生
焦糖布蕾
布丁上一層燒得焦香脆脆嘅焦糖，底下就係蛋香味十足嘅幼滑布丁，上面再加上提子同蘋果，入口甜而不膩
黑糖白玉奶酪
奶酪布丁加入黑糖，上面加上彈滑嘅白玉、焦糖爆谷同刨冰，令口感更加豐富，冰冰涼涼嘅味道，非常適合夏天消暑嘅甜品
📍焼肉スマイル (燒肉smile) (旺角)
旺角砵蘭街240-244號文華商場1樓C號舖
人均消費：$300-400
食物：⭐️⭐️⭐️⭐️⭐️
環境：⭐️⭐️⭐️⭐️⭐️
服務：⭐️⭐️⭐️⭐️⭐️
回頭率：⭐️⭐️⭐️⭐️⭐️
张贴
