粒粒果甜品 (已結業)

最鍾意食甜嘅我，見到靚嘅甜品就更加有興趣，不過要靚得黎又好食唔容易，今次就搵到喇！其實我係俾依啲水果星球而吸引，因為比較特別，所以想食吓係咩口感😋榴槤星球配椰汁西米:果然冇失望！榴槤星球超濃味！食落外層似啫喱，入面係榴槤蓉，估唔到會咁香榴槤味，口感都唔錯其他配料有椰果、西米、西瓜同哈蜜瓜，椰汁唔太甜，清得黎又唔會搶咗榴槤嘅味度👍🏼之後都俾smoothie賣相吸引咗魔法森林:係牛油果特飲🥑講返依杯嗰樣外表先，真係好影相一流，top好colourful，側面放咗啲士多啤梨片。之後係味道，一飲落去牛油果味唔重，味道較fresh。鍾意牛油果嘅話就可能覺得唔夠喉喇，但用牛油果做嘅飲品黎講，外表加晒分！香芒之戀:芒果味好香好清甜，因為加咗乳酪，所以口感好creamy，加上底下嘅奇亞籽撈埋就啱啱好，唔會太甜之餘，又有得咬吓。靚得黎好飲！古早珍寶芋圓:好多料嘅芋圓糖水。依到嘅芋圓係餃子形狀特別啲，裏面仲有餡同埋都幾煙韌。除咗主角芋圓，配料仲有仙草、珍珠、西米同埋紅豆。所以食落口感都好豐富。糖水底唔太甜，啱晒我。依款甜品可以揀凍或者熱，所以我就揀咗暖😂果然咁樣養生啲總結:選擇多款，而且有特別menu，影